അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കാഴ്ച ശക്തി കൂട്ടാനും കണ്ണിന്റെ ആരോഗ്യത്തിനും രോഗ പ്രതിരോധശക്തി കൂട്ടാനും ചര്‍മ്മത്തിന്റെ ആരോഗ്യത്തിനുമൊക്കെ വിറ്റാമിന്‍ എ പ്രധാനമാണ്. വിറ്റാമിന്‍ എയുടെ കുറവ് പല ആരോഗ്യപ്രശ്‌നങ്ങളും ഉണ്ടാക്കാം. ആരോഗ്യകരമായ ഭക്ഷണത്തിന്റെ നിര്‍ണായക ഘടകമാണ് വിറ്റാമിനുകള്‍. വിറ്റാമിന്‍ എ ആരോഗ്യകരമായ ചര്‍മ്മം, കണ്ണുകള്‍, കാഴ്ച എന്നിവ നിലനിര്‍ത്താന്‍ അത്യാവശ്യമാണ്. അതിനാല്‍ വിറ്റാമിന്‍ എ അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തേണ്ടതാണ്. വിറ്റാമിന്‍ എ അടങ്ങിയ ഭക്ഷണങ്ങള്‍ ഏതൊക്കെ എന്ന് നോക്കാം.
കാരറ്റ്
കാരറ്റില്‍ ബീറ്റാ കരോട്ടിന്‍ അടങ്ങിയിട്ടുള്ളതിനാല്‍ കാഴ്ച ശക്തി കൂട്ടുന്നതിന് സഹായിക്കുന്നു. വിറ്റാമിന്‍ എ അടങ്ങിയിട്ടുള്ളതിനാല്‍ തിമിരം, മാക്യുലര്‍ ഡീജനറേഷന്‍ തുടങ്ങിയ നേത്ര സംബന്ധമായ വിവിധ തകരാറുകള്‍ തടയാന്‍ സഹായിക്കുന്നു.
ചീര
വിറ്റാമിനുകളുടെ കലവറയായ ഈ ചീരയില്‍ ധാരാളം ആന്റിഓക്സിഡന്റുകള്‍, ധാതുക്കള്‍, പ്രോട്ടീന്‍, നാരുകള്‍, പൊട്ടാസ്യം, കാത്സ്യം, മഗ്നീഷ്യം, ഫോളേറ്റ് തുടങ്ങിയവയും അടങ്ങിയിട്ടുണ്ട്. വിറ്റാമിന്‍ എ ചീരയില്‍ അടങ്ങിയിട്ടുണ്ട്. അതിനാല്‍ വിളര്‍ച്ച കുറയ്ക്കാന്‍ ഇത് നല്ലതാണ്.
മധുരക്കിഴങ്ങ്
ധാരാളം ആരോഗ്യ ഗുണങ്ങളുളള ഒന്നാണ് മധുരക്കിഴങ്ങ്. ഫൈബറിന്റെയും പ്രോട്ടീനിന്റെയും നല്ലൊരു കലവറ കൂടിയാണിത്. ബീറ്റ കരോട്ടിന്‍, വിറ്റാമിന്‍ ബി 6, വിറ്റാമിന്‍ സി, പൊട്ടാസ്യം,അയണ്‍, കാല്‍സ്യം, ആന്റി ഓക്‌സിഡന്റ്‌സ് എന്നിവയും മധുരക്കിഴങ്ങില്‍ അടങ്ങിയിട്ടുണ്ട്. വിറ്റാമിന്‍ സിയും എയും ചര്‍മ്മത്തിന്റെ സംരംക്ഷണത്തിന് അത്യാവശ്യമാണ്. അത് രണ്ടും മധുരകിഴങ്ങില്‍ അടങ്ങിയിട്ടുണ്ട്. വിറ്റാമിന്‍ എ കണ്ണുകളുടെ ആരോഗ്യം സംരക്ഷിക്കാനും സഹായിക്കും.
പപ്പായ
വിറ്റാമിന്‍ എ, ബി, സി, കെ എന്നിവയുടെ മികച്ച ഉറവിടമാണ് പപ്പായ. ഇത് മികച്ച പ്രതിരോധശേഷി ബൂസ്റ്ററായി അറിയപ്പെടുന്നു. ജലദോഷവും മറ്റ് അണുബാധകളും തടയാന്‍ ഇത് സഹായിക്കും. പപ്പായയില്‍ വിറ്റാമിന്‍ എ ധാരാളമുണ്ട്. ഇത് കോര്‍ണിയയെ സംരക്ഷിക്കാന്‍ സഹായിക്കുന്നു, കൂടാതെ ആന്റിഓക്സിഡന്റുകള്‍ റെറ്റിനയുടെ അപചയത്തെ മന്ദഗതിയിലാക്കുന്നു. മാക്യുലര്‍ ഡീജനറേഷന്‍ കാരണം പ്രായത്തിനനുസരിച്ച് കാഴ്ചശക്തി ഗണ്യമായി കുറയുന്നു. പപ്പായ കഴിക്കുന്നത് ഇത് തടയാന്‍ സഹായിക്കുന്നു.
മുട്ട
മുട്ടയില്‍ വിറ്റാമിന്‍ എ അടങ്ങിയിട്ടുണ്ട്. അത് റെറ്റിനയ്ക്ക് നാശം ഉണ്ടാകാതെ സംരക്ഷിക്കാന്‍, കണ്ണിന്റെ ആരോഗ്യം നിലനിര്‍ത്താന്‍ ഈ രണ്ട് ആന്റി ഓക്‌സിഡന്റുകള്‍ സഹായിക്കുന്നു. ഗര്‍ഭിണികള്‍ മുട്ട കഴിക്കുന്നത് ഗര്‍ഭസ്ഥ ശിശുവിന്റെ തലച്ചോര്‍ വികാസത്തെ സഹായിക്കും.
