അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിലമ്പൂര്‍ ഉപതിരഞ്ഞെടുപ്പില്‍ മത്സരിക്കുന്ന ഇടതുമുന്നണി സ്ഥാനാര്‍ഥി എം സ്വരാജ് നാമനിര്‍ദേശ പത്രിക സമര്‍പ്പിച്ചു. ഒരു സെറ്റ് പത്രികയാണ് എം സ്വരാജ് സമര്‍പ്പിച്ചത്. മത്സരിക്കാന്‍ ആഗ്രഹിക്കുന്നവരൊക്കെ മത്സരിക്കട്ടെയെന്നും, നമ്മുടെ ജനാധിപത്യം കൂടുതല്‍ ശക്തമാകുമെന്നും നാമനിര്‍ദേശ പത്രിക സമര്‍പ്പിച്ചതിന് ശേഷം സ്വരാജ് മാധ്യമങ്ങളോട് പ്രതികരിച്ചു.
എം.സ്വരാജിന്റെ വാക്കുകള്‍
”മത്സരിക്കാന്‍ ആഗ്രഹിക്കുന്നവരൊക്കെ മത്സരിക്കട്ടെ. നിയമസഭ തെരഞ്ഞെടുപ്പിലേക്കുളള നാമനിര്‍ദേശ പത്രിക സമര്‍പ്പണം പൂര്‍ത്തിയായി. ഉച്ചയക്ക് ശേഷം പര്യടനം പരിപാടികള്‍ തുടരും. ഞങ്ങള്‍ അപരന്മാരെ ആശ്രയിക്കില്ല. ജനാധിപത്യം ശക്തിപ്പെടുന്നത് കൂടുതല്‍ പേര്‍ മത്സരിക്കുമ്പോഴാണ്. മത്സരിക്കാന്‍ ആഗ്രഹമുളളവരൊക്കെ മത്സരിക്കട്ടെ. മുഖ്യമന്ത്രി പറഞ്ഞത് വളരെ അഭിമാനകരമായ വാക്കുകളാണ്. ആര്‍ത്തിരമ്പി വന്ന ജനസാഗരം ഇടതുപക്ഷ മുന്നണിയെ ആവേശത്തില്‍ ആക്കിയിട്ടുണ്ട്. കേരളത്തില്‍ എല്‍ഡിഎഫ് തുടരണമെന്ന് ആഗ്രഹിക്കുന്നത് എന്‍ഡിഎഫ് പ്രവര്‍ത്തകര്‍ മാത്രമല്ല. അത് തെറ്റായ ധാരണയാണ്. പതാകകളുടെ നിറഭേദങ്ങള്‍ക്ക് അപ്പുറത്ത്, പൊതുവായി നന്മയുളള പ്രവര്‍ത്തനങ്ങള്‍ വരുമ്പോള്‍ എല്ലാവരും പിന്തുണയ്ക്കും. നമ്മുടെ റോഡുകള്‍, ആശുപത്രികള്‍, സ്‌കൂളുകള്‍ ഇവയൊക്കെ നന്നായാല്‍ ആരെങ്കിലും അത് വേണ്ടാന്ന് പറയുമോ? ക്ഷേമ പെന്‍ഷന്‍ ഇപ്പോള്‍ 1600 കൊടുത്തു യുഡിഎഫ് സര്‍ക്കാരിന്റെ കാലത്ത് അത് നിന്ന് പോയി. യുഡിഎഫ് ആയതുകൊണ്ട് ആരെലും പറയുമോ ഇത് നിന്ന് പോണമെന്ന് ഇല്ലല്ലോ. നാടിന്റെ വികസനത്തിന് ജനങ്ങളുടെ ക്ഷേമത്തിന് ഉതുങ്ങുന്ന നപടികള്‍ ആര് സ്വീകരിച്ചാലും അത് നല്ലതാണെന്ന് പറയുന്ന ജനം നമ്മുടെ നാട്ടിലുണ്ട്. അവരുടെ പിന്തുണ എല്‍ഡിഎഫിന് ഉണ്ടാകും. ഞങ്ങളുടെ വിജയപ്രതീക്ഷയ്ക്ക് ഒരു സ്ഥാനാര്‍ത്ഥിയും തടസ്സമല്ല. ”
ഉപവരാണധികാരിയായ നിലമ്പൂര്‍ തഹസില്‍ദാര്‍ എം.പി. സിന്ധു മുമ്പാകെയാണ് നാമനിര്‍ദ്ദേശപത്രിക സമര്‍പ്പിച്ചത്. സിപിഎം പോളിറ്റ്ബ്യൂറോ അംഗം എ.വിജയരാഘവന്‍,സിപിഐ സംസ്ഥാന അസി.സെക്രട്ടറി പി.പി സുനീര്‍ എം.പി,പി.കെ സൈനബ, മന്ത്രി വി.അബ്ദുറഹ്‌മാന്‍ എന്നിവര്‍ക്കൊപ്പം എത്തിയാണ് പത്രിക നല്‍കിയത്. എല്‍ഡിഎഫ് പ്രവര്‍ത്തകരുടെ പ്രകടനമായെത്തിയായിരുന്നു പത്രിക സമര്‍പ്പണം.
