അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: റിലയന്‍സ് ജിയോ കേരളത്തില്‍ ശക്തമായ വളര്‍ച്ച തുടരുന്നു. ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ (TRAI) ഏറ്റവും പുതിയ കണക്കുകള്‍ പ്രകാരം 2025 ഏപ്രിലില്‍ 76,000 പുതിയ മൊബൈല്‍ വരിക്കാരെ ചേര്‍ത്തുകൊണ്ട് പുതിയ വരിക്കാരുടെ എണ്ണത്തില്‍ ജിയോ മുന്നിലെത്തി. കേരളത്തിലെ മൊത്തം പുതിയ വരിക്കാരുടെ എണ്ണം ഏപ്രില്‍ മാസത്തില്‍ 1.11 ലക്ഷം വര്‍ധിച്ചു.
കേരളത്തില്‍, ഫിക്‌സഡ് വയര്‍ലെസ് ആക്‌സസ് (FWA) വിഭാഗത്തില്‍ ജിയോ തങ്ങളുടെ നേതൃത്വം ശക്തിപ്പെടുത്തുകയാണ്. ജിയോ എയര്‍ഫൈബര്‍ സേവനം വ്യക്തമായ വിപണി നേതാവായി ഉയര്‍ന്നു. സംസ്ഥാനത്ത് ജിയോ എയര്‍ഫൈബര്‍ ഉപയോഗിക്കുന്നവരുടെ എണ്ണം 2025 മാര്‍ച്ചിലെ 107187 ല്‍ നിന്ന് ഏപ്രിലില്‍ 112682 ആയി ഉയര്‍ന്നു.
2025 ഏപ്രിലില്‍ രാജ്യവ്യാപകമായി പോസിറ്റീവ് ആക്ടീവ് വരിക്കാരുടെ വളര്‍ച്ച നേടിയ ഏക ടെലികോം ഓപ്പറേറ്റര്‍ ജിയോ ആണ്. 55 ലക്ഷത്തിലധികം ആക്ടീവ് ഉപയോക്താക്കളെയാണ് ജിയോ ചേര്‍ത്തത്. ഇത് തുടര്‍ച്ചയായ രണ്ടാം മാസമാണ് VLR (വിസിറ്റര്‍ ലൊക്കേഷന്‍ രജിസ്റ്റര്‍) കണക്കില്‍ 50 ലക്ഷത്തിലധികം കൂട്ടിച്ചേര്‍ക്കലുകള്‍ നടത്തുന്നത്. വിഐ, ബിഎസ്എന്‍എല്‍ എന്നിവയുള്‍പ്പെടെയുള്ള മറ്റ് ഓപ്പറേറ്റര്‍മാര്‍ക്ക് വരിക്കാരുടെ എണ്ണത്തില്‍ കുറവുണ്ടായി.
ദേശീയ തലത്തില്‍, 60.14 ലക്ഷത്തിലധികം വരിക്കാരുമായി 82% വിപണി വിഹിതത്തോടെ ഫിക്‌സഡ് വയര്‍ലെസ് ആക്‌സസ് വിപണിയില്‍ ജിയോ ആധിപത്യം തുടരുന്നു. 025 ഏപ്രില്‍, മൊത്തത്തിലുള്ള ഫിക്‌സഡ് ബ്രോഡ്ബാന്‍ഡ് വളര്‍ച്ചയ്ക്ക് ഒരു റെക്കോര്‍ഡ് മാസമായിരുന്നു. ജിയോയുടെ വയര്‍ലൈന്‍, ഫിക്‌സഡ് വയര്‍ലെസ് ആക്‌സസ് സേവനങ്ങള്‍ വഴി ഏകദേശം 9.10 ലക്ഷം പുതിയ ഉപയോക്താക്കളെയാണ് ചേര്‍ത്തത്.
ഈ മാസം ദേശീയതലത്തില്‍ ജിയോ മൊത്തം 26.44 ലക്ഷം വരിക്കാരെ ചേര്‍ത്തു. ഇതോടെ മൊത്തം ഉപയോക്താക്കളുടെ എണ്ണം 47.24 കോടിയിലധികമായി. 40.76% വിപണി വിഹിതവുമായി മൊബൈല്‍ വിഭാഗത്തില്‍ ജിയോ മുന്നിലാണ്. 33.65% (ഏകദേശം 39 കോടി ഉപയോക്താക്കള്‍) വിപണി വിഹിതവുമായി എയര്‍ടെല്‍ രണ്ടാം സ്ഥാനത്തും, 17.66% (20.47 കോടി ഉപയോക്താക്കള്‍) വിപണി വിഹിതവുമായി വോഡഫോണ്‍ ഐഡിയ മൂന്നാം സ്ഥാനത്തുമാണ്. ബിഎസ്എന്‍എല്ലിനും എംടിഎന്‍എല്ലിനും മൊത്തം 7.84% വിഹിതമാണുള്ളത്.
ജിയോയുടെ അതിവേഗ നെറ്റ്വര്‍ക്ക് വിപുലീകരണവും താങ്ങാനാവുന്ന പ്ലാനുകളും ഡിജിറ്റല്‍ സേവനങ്ങളും കേരളത്തിലും മറ്റ് സംസ്ഥാനങ്ങളിലും വീടുകളിലെയും വ്യാവസായിക കേന്ദ്രങ്ങളിലെയും കണക്റ്റിവിറ്റിക്ക് പുതിയ രൂപം നല്‍കുന്നു. നഗരങ്ങളിലും ഗ്രാമപ്രദേശങ്ങളിലും അതിവേഗ ഇന്റര്‍നെറ്റിനായുള്ള ആവശ്യം വര്‍ദ്ധിച്ചുവരുമ്പോള്‍, ഡിജിറ്റല്‍ വിടവ് നികത്തുന്നതില്‍ ജിയോ ഒരു പ്രധാന പങ്ക് വഹിക്കുന്നു.
