അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രായഭേദമന്യേ എല്ലാവരും കഴിക്കാൻ ഇഷ്ടമുള്ള ഒരു ഭക്ഷണമാണ് ഐസ്‌ക്രീം. ഇന്ന് നിരവധി രുചികളിൽ ഐസ്‌ക്രീം ലഭ്യമാണ്. എന്നാൽ ഈ സീസണിൽ താരം മാങ്ങ ആണ്. ഇപ്പോൾ സുലഭമായി കിട്ടിക്കൊണ്ടിരിക്കുന്നുമുണ്ട്. അതിനാൽ വളരെ എളുപ്പത്തിൽ ഐസ്‌ക്രീം ഉണ്ടാക്കാനും കഴിയും.
ചേരുവകൾ
1. മധുരമുള്ള മാങ്ങ തൊലിമാറ്റിയതിന് ശേഷം ചെറുതായി മുറിച്ചത്- രണ്ട് കപ്പ്
2. ഫുൾഫാറ്റ് മിൽക്- രണ്ടര കപ്പ്
3. കണ്ടൻസ്ഡ് മിൽക്ക്- രണ്ട് കപ്പ്
4. പഞ്ചസാര- രണ്ടു ടേബിൾ സ്പൂൺ
5. നാരങ്ങാനീര്- 100 മില്ലി
തയാറാക്കുന്ന വിധം
മാമ്പഴവും പഞ്ചസാരയും കൂടി മിക്സിയിൽ അടിച്ചെടുക്കുക. ശേഷം ഇതിലേയ്ക്ക് ഫുൾ ഫാറ്റ് മിൽക്കും, കണ്ടൻസ്ഡ് മിൽക്കും ചേർത്ത് വീണ്ടും അടിക്കുക. ഇതിലേക്ക് നാരങ്ങാ നീര് ചേർത്ത് അടിച്ച് ക്ലിംഗ് ഫിലിംകൊണ്ട് മൂടി ഫ്രീസറിൽ വെക്കുക. ഫ്രീസാകുമ്പോൾ എടുത്ത് പൊട്ടിച്ച് മിക്സിയിൽ ഒന്നുകൂടി അടിച്ച ശേഷം വീണ്ടും ഫ്രീസറിൽ വയ്ക്കാം. കിടിലൻ മംഗോ ഐസ്‌ ക്രീം തയ്യാർ.
