അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇടുക്കി: ഇടുക്കി ഇരുട്ടുകാനത്തെ ഹൈറേഞ്ച് സിപ് ലൈൻ നടത്തിപ്പുക്കാര്‍ക്കെതിരെ കേസെടുത്ത് പൊലീസ്. വില്ലേജ് ഓഫിസർ നൽകിയ പരാതിയിൽ ഹൈറേഞ്ച് സിപ്‌ലൈൻ പ്രോജക്ട് എന്ന സ്ഥാപനത്തിനെതിരെയാണ് അടിമാലി പൊലീസ് കേസെടുത്തത്. എം.എം.മണി എംഎൽഎയുടെ സഹോദരൻ എം.എം.ലംബോദരനാണ് കലക്ടറുടെ നിയന്ത്രണങ്ങൾ ലംഘിച്ച് വിനോദസ‍ഞ്ചാര കേന്ദ്രം തുറന്നത്.
ജില്ലാ കളക്ടരുടെ ഉത്തരവ് ലംഘിച്ചതിനും ഉത്തരവ് ലംഘിക്കാൻ പ്രേരിപ്പിച്ചതിനും കേസെടുത്തു. ജില്ലയിൽ ഓറഞ്ച് അലര്‍ട്ട് പ്രഖ്യാപിച്ച ദിവസം ശക്തമായ കാറ്റും മഴയും പെയ്യുമെന്ന മുന്നറിയിപ്പിനിടെ കളക്ടറുടെ ഉത്തരവിന് വിരുദ്ധമായി സിപ് ലൈൻ പ്രവര്‍ത്തിപ്പിച്ചുവെന്നാണ് എഫ്ഐആറിൽ പറയുന്നത്. ഹൈറേഞ്ച് സിപ് ലൈൻ പ്രൊജക്ട്, ഇരുട്ടുകാനം എന്ന പേരിലാണ് എഫ്ഐആര്‍ രജിസ്റ്റര്‍ ചെയ്തിരിക്കുന്നത്.
