അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇനി ഈ ചപ്പാത്തി കഴിക്കാൻ കറിയുടെ ആവശ്യമില്ല. നല്ല രുചികരമായ ഒരു മസാല ചപ്പാത്തിയുടെ റെസിപ്പി നോക്കിയാലോ?
ആവശ്യമായ ചേരുവകൾ
- ഉരുളക്കിഴങ്ങ്
- സവാള
- വെളുത്തുള്ളി
- ഇഞ്ചി
- തക്കാളി
- മല്ലിയില
- പെരുംജീരകം
- വെളിച്ചെണ്ണ
- നെയ്യ്
- ഗോതമ്പ് പൊടി
- മഞ്ഞൾപ്പൊട
- മുളകുപൊടി
- ഗരംമസാല
- ഉപ്പ്
തയ്യാറാക്കുന്ന വിധം
ആവശ്യമുള്ള ഗോതമ്പ് പൊടി ഒരു പാത്രത്തിലെടുത്ത് ഉപ്പും, എണ്ണയും ചേർത്തിളക്കി യോജിപ്പിക്കാം. ഇതിലേയ്ക്ക് ഇളം ചൂടുള്ള വെള്ളം ഒഴിച്ച് മാവ് കുഴച്ച് അരമണിക്കൂർ മാറ്റി വയ്ക്കാം. ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് ജീരകം, ഇഞ്ചി, വെളുത്തുള്ളി എന്നിവ ചേർത്തു വഴറ്റാം. ഇവ ഇളം ബ്രൗൺ നിറമാകുമ്പോൾ സവാള ചെറുതായി അരിഞ്ഞതും ചേർത്തു വഴറ്റാം. ശേഷം തക്കാളി കൂടി ചേർക്കാം. പച്ചക്കറികൾ നന്നായി വെന്തതിനു ശേഷം മഞ്ഞൾപ്പൊടി, മുളകുപൊടി, ഗരംമസാല ആവശ്യത്തിന് ഉപ്പ്എന്നിവ ചേർത്തിളക്കി യോജിപ്പിക്കാം.
പുഴുങ്ങി ഉടച്ചെടുത്ത ഉരുളക്കിഴങ്ങും ഇതിലേയ്ക്കു ചേർത്തു വേവിക്കാം. അടുപ്പണച്ച് അൽപം മല്ലിയില കൂടി ചേർത്തു മാറ്റി വയ്ക്കാം. കുഴച്ചു വച്ചിരിക്കുന്ന ചപ്പാത്തി മാവ് ചെറിയ ഉരുളകളാക്കി പരത്താം. അതിലേയ്ക്ക് മസാല വച്ചു മടക്കിയെടുക്കാം. ഒരു പാൻ അടുപ്പിൽ വച്ചു ചൂടാക്കി അൽപം നെയ്യ് പുരട്ടാം. ചൂടായ പാനിൽ ചപ്പാത്തി ചുട്ടെടുക്കാം.
