അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗദി അറേബ്യയിലെ റിയാദിലുള്ള അല്‍ യാസ്മിന്‍ ഇന്റര്‍നാഷണല്‍ സ്‌കൂളില്‍ ഈ വര്‍ഷത്തെ ലോക പരിസ്ഥിതി ദിനം സമുചിതമായി ആഘോഷിച്ചു. ഭാവി തലമുറയാണ് ഇനി പ്രകൃതിയെ സംരക്ഷിക്കേണ്ടതെന്ന ആവശ്യകത ഓര്‍മ്മപ്പെടുത്തി സംഘടിപ്പിച്ച പരിപാടികള്‍ വേറിട്ടു നിന്നു. അനുദിനം നശിച്ചു കൊണ്ടിരിക്കുന്ന പ്രകൃതിയെ സംരക്ഷിക്കാന്‍ ഇരു കൈയ്യും നീട്ടി മുന്നോട്ടിറക്കാന്‍ വിദ്യാര്‍ത്ഥികളെ പ്രോത്സാഹിപ്പിക്കുന്ന ചടങ്ങായി പരിസ്ഥിതി ദിനാഘോഷം മാറി. വിദ്യാര്‍ത്ഥികള്‍ക്കൊപ്പം അധ്യാപകരും പരസ്ഥിതി സംരക്ഷണത്തിനായി ഒരുമിച്ചു.
ഹരിത പരിപാലനത്തിന്റെ ബോധവത്ക്കരണമെന്ന നിലയില്‍ വൃക്ഷതൈകള്‍ നട്ടാണ് വിദ്യാര്‍ത്ഥികള്‍ പുതിയ മാതൃക സൃഷ്ടിച്ചത്. വിവിധ ആഘോഷ പരിപാടികള്‍ക്കൊപ്പം പ്രകൃതിയെ പ്രകീര്‍ത്തിച്ചുകൊണ്ട് ആലപിച്ച ഗാനങ്ങള്‍ ചടങ്ങില്‍ വ്യത്യസ്തത പുലര്‍ത്തി. പ്രക്യതി സംരക്ഷണത്തിന്റെ ബോധവത്ക്കരണ പരിപാടികള്‍ക്കൊപ്പംം, പ്രഭാഷണങ്ങള്‍, ഫാഷന്‍ ഷോ എന്നിവ വിവിധ സെഷനുകളായി അരങ്ങേറി.
ഗ്രേഡ് 1 വിദ്യാര്‍ത്ഥികള്‍ പരിപാടികള്‍ അവതരിപ്പിച്ച മത്സരങ്ങള്‍ സ്‌കൂള്‍ കോര്‍ഡിനേറ്റര്‍ ശ്രീമതി രജീന ഇസഹാക്കിന്റെ നേതൃത്വത്തിലായിരുന്നു സംഘടിപ്പിച്ചത്. ചടങ്ങില്‍ ആമൂഖ പ്രസംഗവും രജീന ഇസഹാക്കും ശ്രീമതി സജിദ ബീഗം നന്ദിയും അറിയിച്ചു. സ്‌കൂള്‍ മാനേജ്‌മെന്റ് കമ്മിറ്റി ചെയര്‍മാന്‍ ശ്രീ അബ്ദുല്‍ എലാഹ് അല്‍ മൗയിന, ഇന്‍ചാര്‍ജ് പ്രിന്‍സിപ്പല്‍ ശ്രീമതി സുബി, ഹെഡ്മിസ്ട്രസ് ശ്രീമതി നിഖത്ത് അഞ്ജുമു ഉള്‍പ്പെടെയുള്ളവര്‍ ചടങ്ങുകള്‍ക്ക് നേതൃത്വം നല്‍കി. മറ്റു ക്ഷണിക്കപ്പെട്ട വിശിഷ്ട അതിഥികള്‍ ചടങ്ങില്‍ പങ്കെടുത്തു.
