അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.“തിരുവനന്തപുരം: രാജ്ഭവനിലെ ഭാരതാംബ വിവാദത്തിൽ സർക്കാറിന് മറുപടിയുമായി എത്തിയിരിക്കുക ആണ് ഗവർണർ രാജേന്ദ്ര ആർലേക്കർ. പരിസ്ഥിതി ദിന പരിപാടി വിവാദ ചിത്രത്തിന് മുന്നിൽ പുഷ്പാർച്ചന നടത്തിയാണ് ആരംഭിച്ചത്. ചിത്രങ്ങൾ രാജ്ഭവൻ മാധ്യമങ്ങൾക്ക് നൽകിയിരുന്നു. സർക്കാർ പരിപാടി മാറ്റിയതിലും ഗവർണർ അതൃപ്തി കാണിച്ചു.
കൃഷി വകുപ്പിന്റെ പരിസ്ഥിതി ദിന പരിപാടിയിൽ ഭാരതാംബയുടെ ചിത്രത്തിൽ പുഷ്പാർച്ചന നടത്തണമെന്ന് ആവശ്യം ഗവർണർ ഉന്നയിച്ചതോടെ സർക്കാർ പരിപാടി സെക്രട്ടറിയേറ്റിലേക്ക് മാറ്റിയിരുന്നു എന്നാണ് അറിയാൻ സാധിക്കുന്നത്. ഭാരതാംബയുടെ ചിത്രത്തിൽ പുഷ്പാർച്ചന നടത്തുക സാധ്യമല്ലെന്ന് കൃഷിമന്ത്രി പി.പ്രസാദ് രാജ്ഭവനെ അറിയിച്ചതായും പുറത്തുവരുന്ന വാർത്തകളിൽ നിന്നും മനസ്സിലാക്കാൻ സാധിക്കുന്നു . തുടർന്ന് ഗവർണർ പരിപാടി സ്വന്തം നിലയ്ക്കു നടത്തുക ആയിരുന്നു.”
