അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അടുത്തിടെ ഇറങ്ങിയ ചിത്രങ്ങളിൽ ഏറെ വിമർശനം ഏറ്റുവാങ്ങുകയും അതേസമയം ബോക്സോഫീസിൽ കളക്ഷൻ റെക്കോർഡ് തീർക്കുകയുംചെയ്ത ബോളിവുഡ് ചിത്രമാണ് അനിമൽ. തെലുങ്ക് സംവിധായകൻ സന്ദീപ് റെഡ്ഡി വാങ്ക സംവിധാനം ചെയ്ത ഈ രൺബീർ കപൂർ ചിത്രത്തിൽ രശ്മിക മന്ദാനയായിരുന്നു നായികയെങ്കിലും തൃപ്തി ദിമ്രി അവതരിപ്പിച്ച വേഷവും ഏറെ ശ്രദ്ധിക്കപ്പെട്ടിരുന്നു.
ചിത്രത്തിൽ രൺബീറുമൊത്തുള്ള ഒരു കിടപ്പറ രംഗത്തിന്റ പേരിൽ വലിയ സോഷ്യൽ മീഡിയ ആക്രമണവും തൃപ്തിക്കുനേരെ ഉണ്ടായിരുന്നു. ഇക്കാര്യത്തേക്കുറിച്ച് വിശദീകരിച്ചിരിക്കുകയാണ് അവർ.
ഒരു ഇന്ത്യൻ മാധ്യമത്തിന് നൽകിയ അഭിമുഖത്തിലാണ് അനിമൽ എന്ന ചിത്രം ഇറങ്ങിയതിനുശേഷം താൻ കടന്നുപോയ സോഷ്യൽ മീഡിയാ വിചാരണയേക്കുറിച്ചും അതിനെ നേരിട്ടതിനേക്കുറിച്ചും തൃപ്തി ദിമ്രി തുറന്നുപറഞ്ഞത്. ഒരു സിനിമ ചെയ്യുമ്പോൾ തനിക്ക് തന്റേതായ കാരണങ്ങളുണ്ടാവുമെന്ന് തൃപ്തി പറഞ്ഞു.
അനിമലിലെ തന്റെ വേഷം ചെറുതാണെന്നതിനേക്കുറിച്ച് സംവിധായകൻ സന്ദീപ് റെഡ്ഡിക്ക് വ്യക്തമായി അറിയാമായിരുന്നു. എന്നാൽ ആ കഥാപാത്രത്തിന് ചില പ്രത്യേകതകളുള്ളതായി തനിക്ക് തോന്നി.
പ്രേക്ഷകർ എന്തുപറയും എന്നെല്ലാംനോക്കി തീരുമാനങ്ങളെടുക്കാൻ തുടങ്ങിയാൽ അഭിനേതാക്കളെന്ന നിലയിൽ നമ്മൾ ചെയ്യാനാഗ്രഹിക്കുന്നതൊന്നും ഒരിക്കലും ചെയ്യാൻ സാധിക്കില്ലെന്നും നടി പറഞ്ഞു.
സിനിമ കണ്ടതിനുശേഷം മാതാപിതാക്കൾ എങ്ങനെയാണ് പ്രതികരിച്ചതെന്നും തൃപ്തി ഇതേ അഭിമുഖത്തിൽ പറയുന്നുണ്ട്. “ആ രംഗം കണ്ടപ്പോൾ എന്റെ അച്ഛനുമമ്മയും അക്ഷരാർത്ഥത്തിൽ പരിഭ്രമിച്ചു. ആ രംഗത്തിന്റെ പ്രസക്തിയേക്കുറിച്ച് ഒരു നീണ്ട ചർച്ചതന്നെ വേണ്ടിവന്നു.
Read More…..
- കന്നഡ നടനും മുൻ ഐ.എ.എസ് ഉദ്യോഗസ്ഥനും ബി.ജെ.പി നേതാവുമായിരുന്ന കെ. ശിവറാം അന്തരിച്ചു
- വനിതാ ദിനത്തിൽ പ്രേക്ഷകർക്ക് ഉർവശിയുടെ സമ്മാനം
- ആനന്ദ് അംബാനിയുടെ വിവാഹാഘോഷത്തിൽ പാടാൻ പോപ്പ് ഗായിക വാങ്ങിയത് വമ്പൻ പ്രതിഫലം
- സാധാരണമായി കാണരുത് ക്രോണിക് ഡീഹൈഡ്രേഷന്: നിങ്ങൾക്ക് ഈ ലക്ഷണങ്ങൾ ഉണ്ടോ?
- മുടികൊഴിച്ചിലുണ്ടോ? നിസ്സാരമായി കരുതണ്ട, കാരണങ്ങൾ ഇവയാണോയെന്ന് പരിശോധിക്കു
എന്നിരുന്നാലും അവർ എന്നെക്കുറിച്ചോർത്ത് അഭിമാനിച്ചു. ലൈലാ മജ്നു എന്ന ആദ്യചിത്രം പുറത്തിറങ്ങിയശേഷം കുടുംബത്തിലെ ഒരു പരിപാടിക്കിടെ വേദിയിലേക്ക് ക്ഷണിച്ചു. മറ്റുള്ളവർക്ക് എന്നെ പരിചയപ്പെടുത്താനായിരുന്നു അതെങ്കിലും ഞാനാകെ ശൂന്യമായ അവസ്ഥയിലായിരുന്നു.
പൊതുവിടത്തിൽ മറ്റുള്ളവരുടെ നോട്ടങ്ങൾക്കുമുന്നിൽ നിൽക്കുമ്പോഴുള്ള ബുദ്ധിമുട്ട് മാറ്റിയെടുക്കാൻ പിന്നെയും സമയമെടുത്തു.” അവർ കൂട്ടിച്ചേർത്തു.
അർജുൻ റെഡ്ഡി, കബീർ സിങ് എന്നീ ചിത്രങ്ങൾക്കുശേഷം സന്ദീപ് റെഡ്ഡി വാങ്ക സംവിധാനംചെയ്ത ചിത്രമായിരുന്നു അനിമൽ. കടുത്ത വിമർശനങ്ങൾക്കിടയിലും ആയിരംകോടിക്കടുത്താണ് ചിത്രം ആഗോളതലത്തിൽ വാരിക്കൂട്ടിയത്. ബോബി ഡിയോൾ, അനിൽ കപുർ എന്നിവരായിരുന്നു ചിത്രത്തിലെ മറ്റുപ്രധാന താരങ്ങൾ.
