അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ബിഗ് ബോസ് മലയാളം സീസണ്‍ ആറിന്‍റെ ആദ്യ എപ്പിസോഡ് മുതല്‍ തന്നെ വളരെ ചൂടേറിയ മത്സരമാണ് ബിഗ് ബോസ് പ്രേമികള്‍ കാണുന്നത്. ഇക്കുറി ടിവി അവതാരകനും ഗായകനുമായ രതീഷ് കുമാറിനെ കേന്ദ്രീകരിച്ചാണ് എപ്പിസോഡുകള്‍ ഇതുവരെ മുന്നോട്ട് പോയത്.
സീസണ്‍ 6 ല്‍ ബിഗ് ബോസ് പുതുതായി നടപ്പാക്കിയിരിക്കുന്ന പവര്‍ ഹൗസ് മത്സരത്തെ കൂടുതല്‍ ആവേശഭരിതമാക്കിയിരിക്കുകയാണ്. പവര്‍ ടീം അംഗമായ ശ്രീരേഖ തന്‍റെ പവര്‍ ഉപയോഗിച്ച് ഒരു ഉത്തരവ് ഇറക്കിയത് പ്രേക്ഷകരെ ഒന്നടങ്കം ഞെട്ടിച്ചിരിക്കുകയാണ്. രതീഷ് കുമാര്‍ ഹൗസിന് പുറത്ത് നില്‍ക്കണം എന്നതായിരുന്നു അത്.
പവര്‍ റൂം അംഗങ്ങള്‍ തങ്ങളില്‍ നിക്ഷിപ്തമായ അധികാരം വേണ്ടവിധം, ഗൗരവത്തോടെ ഉപയോഗിക്കുന്നില്ലെന്ന് ഇന്ന് ബിഗ് ബോസിന്‍റെ വിമര്‍ശനം വന്നതിന് പിന്നാലെയാണ് ശ്രീരേഖ ഉത്തരവ് പുറത്തിറക്കിയത്. എന്നാല്‍ ഇത് തന്‍റെ വിജയം എന്ന നിലയില്‍ ആഘോഷത്തോടെയായിരുന്നു രതീഷ് കുമാറിന്‍റെ പുറത്തേക്കുള്ള പോക്ക്.
ബിഗ് ബോസ് ആറാം സീസണിലെ കോമാളി, ചൊറിയൻ എന്നൊക്കെയുള്ള വിശേഷണങ്ങൾ രതീഷ് കുമാറിന് ഇതിനോടകം വീണ് കഴിഞ്ഞു. അനാവശ്യമായി വാക്കുതര്‍ക്കങ്ങളില്‍ ഏര്‍പ്പെടുന്നതായി മറ്റ് മത്സരാര്‍ഥികള്‍ക്കും പ്രേക്ഷകരില്‍ ഒരു വിഭാഗത്തിനും തോന്നിപ്പിക്കുന്ന തരത്തിലായിരുന്നു രതീഷ് കുമാറിന്‍റെ ഹൗസിലെ പെരുമാറ്റം. തര്‍ക്കങ്ങള്‍ ഉണ്ടാവുമ്പോള്‍ എതിരഭിപ്രായം ഉള്ളവരെ അത് പറയാന്‍ അനുവദിക്കാത്ത മനോഭാവവും മത്സരാര്‍ഥികള്‍ക്കിടയില്‍ പ്രതിഷേധത്തിന് ഇടയാക്കി.
കഴിഞ്ഞ ദിവസം രതീഷ് ഷോ ക്വിറ്റ് ചെയ്ത് പോവുകയാണെന്ന് പറഞ്ഞ് ബാഗുമായി പ്രധാന വാതിലിന്റെ സമീപം മണിക്കൂറുകളോളം നിന്നതും പിന്നീട് ബിഗ് ബോസ് അടക്കം മൈന്റ് ചെയ്യാതെയായതോടെ തിരികെ വീട്ടിലേക്ക് കയറി വന്നതിന്റെ വീഡിയോയുമെല്ലാം വൈറലായിരുന്നു.
ജാൻമണി കെട്ടിപിടിച്ചുവെന്ന് പറഞ്ഞ് രതീഷ് ഹൗസിൽ സൃഷ്ടിച്ച പുകലിന്റെ പേരിൽ സോഷ്യൽമീഡിയയിൽ പ്രതിഷേധവും താരത്തിന് എതിരെ കുറിപ്പുകളും പ്രത്യക്ഷപ്പെടുന്നുണ്ട്.
Read more ….
