അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മണിപ്പുർ തലസ്ഥാനമായ ഇംഫാലിലെ ന്യൂ ലാമ്പലെയിനിൽ നിന്നും അവസാനത്തെ 10 കുക്കി കുടുംബങ്ങളെ സർക്കാർ ഒഴിപ്പിച്ചു. മണിപ്പുരിലെ വംശീയ കലാപത്തിനുശേഷവും ഇവിടെ തുടർന്ന 24 കുക്കി വംശജരെയാണ് ഒഴിപ്പിച്ചത്.
കുക്കി വംശജർ കൂടുതലായി കഴിയുന്ന കാൻഗ് പോക്പി ജില്ലയിലെ മോട്ട്ബംഗിലേക്കു 10 കുടുംബങ്ങളെയും നിർബന്ധിച്ചു മാറ്റുകയായിരുന്നു. തങ്ങളെ ന്യൂ ലാമ്പുലെയിനിൽ നിന്നും ബലമായി ഒഴിപ്പിക്കുകയായിരുന്നെന്നു കുക്കി വംശജർ ആരോപിച്ചു.
“ധരിച്ച വസ്ത്രങ്ങളല്ലാതെ മറ്റൊന്നും എടുക്കാൻ പോലും സമയം തരാതെ കൂട്ടത്തോടെ വാഹനങ്ങളിൽ കയറ്റി പ്രദേശത്തുനിന്നും ഒഴിപ്പിക്കുകയായിരുന്നു. സെപ്റ്റംബർ ഒന്നിന് രാത്രി സൈനിക വേഷത്തിലെത്തിയ ഉദ്യോഗസ്ഥർ ആഭ്യന്തര മന്ത്രാലയത്തിന്റെ നിർദേശമാണെന്നു പറഞ്ഞാണു കുടുംബങ്ങളെ ഒഴിപ്പിച്ചത്”- ഇംഫാലിന്റെ ഹൃദയഭാഗത്തുള്ള കുക്കി പ്രദേശത്തെ വൊളന്റിയറായ എസ്.പിം വൈഫേയ് പറഞ്ഞു.
മേയ് 3നു വംശീയ കലാപം ആരംഭിച്ചതിനു പിന്നാലെ ന്യൂ ലാമ്പുലെയിനിൽ നിന്നും 300 ഓളം കുടുംബങ്ങൾ ഒഴിഞ്ഞുപോയിരുന്നു. എന്നാൽ പതിറ്റാണ്ടുകളായി താമസിച്ചിരുന്ന സ്ഥലത്തുനിന്നും വിട്ടുപോവാൻ തയാറാകാതിരുന്ന അവസാന 10 കുടുംബങ്ങളെയാണു സർക്കാർ ഇടപെട്ട് ഒഴിപ്പിച്ചത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
