×

സ്വവർഗ പങ്കാളിയുടെ മൃതദേഹം വിട്ടുകിട്ടണമെന്ന ഹരജി ഹൈ​കോ​ട​തി ഇന്ന്​ വീണ്ടും പ​രി​ഗ​ണി​ക്കും

google news
gfh
കൊ​ച്ചി: ഫ്ലാ​റ്റി​ൽ​നി​ന്ന് വീ​ണ് മ​രി​ച്ച സ്വ​വ​ർ​ഗ ജീ​വി​ത​പ​ങ്കാ​ളി​യു​ടെ മൃ​ത​ദേ​ഹം ആ​ശു​പ​ത്രി​യി​ൽ​നി​ന്ന് വി​ട്ടു​കി​ട്ട​ണ​മെ​ന്ന ഹ​ര​ജി ഹൈ​കോ​ട​തി വ്യാ​ഴാ​ഴ്ച വീ​ണ്ടും പ​രി​ഗ​ണി​ക്കും. യു​വാ​വി​ന്‍റെ മൃ​ത​ദേ​ഹം ഇ​ൻ​ക്വ​സ്റ്റ് ന​ട​ത്ത​ണ​മെ​ന്ന്​ മാ​താ​പി​താ​ക്ക​ൾ ആ​വ​ശ്യ​പ്പെ​ട്ടി​ട്ടു​ണ്ടെ​ന്നും ഇ​വ​ർ വ്യാ​ഴാ​ഴ്ച രാ​വി​ലെ ആ​ശു​പ​ത്രി​യി​ൽ എ​ത്തു​ന്നു​​ണ്ടെ​ന്നും സ​ർ​ക്കാ​ർ അ​ഭി​ഭാ​ഷ​ക​ൻ അ​റി​യി​ച്ച​തി​നെ തു​ട​ർ​ന്നാ​ണ് ജ​സ്​​റ്റി​സ്​ ദേ​വ​ൻ രാ​മ​ച​ന്ദ്ര​ൻ ഹ​ര​ജി മാ​റ്റി​യ​ത്.

    സ്വ​കാ​ര്യ ആ​ശു​പ​ത്രി​യി​ൽ ചെ​ല​വാ​യ 1.30 ല​ക്ഷം രൂ​പ ന​ൽ​കാ​ൻ ക​ഴി​യാ​ത്ത​തി​നാ​ൽ മൃ​ത​ദേ​ഹം വി​ട്ടു​കി​ട്ടു​ന്നി​ല്ലെ​ന്ന്​ ആ​രോ​പി​ച്ച് കോ​ട്ട​യം മു​ണ്ട​ക്ക​യം സ്വ​ദേ​ശി​യാ​യ യു​വാ​വാ​ണ്​ ഹ​ര​ജി​ക്കാ​ര​ൻ. ലി​വ് ഇ​ൻ റി​ലേ​ഷ​നി​ൽ ആ​റു​വ​ർ​ഷ​മാ​യി ഒ​ന്നി​ച്ച് താ​മ​സി​ച്ചി​രു​ന്ന യു​വാ​വി​ന്‍റെ അം​ഗീ​കൃ​ത പ​ങ്കാ​ളി​യാ​യ ത​നി​ക്ക്​ മൃ​ത​ശ​രീ​രം ഏ​റ്റു​വാ​ങ്ങാ​നു​ള്ള അ​വ​കാ​ശം ഉ​ണ്ടെ​ന്നാ​ണ്​ ഇ​യാ​ളു​ടെ വാ​ദം. 

     മ​രി​ച്ച​യാ​ളു​ടെ മാ​താ​പി​താ​ക്ക​ളു​ടെ താ​ൽ​പ​ര്യ​ത്തി​ന്​ ത​ട​സ്സ​മാ​കി​ല്ലെ​ന്നും വ്യ​ക്ത​മാ​ക്കി​യി​ട്ടു​ണ്ട്. ബി​ൽ തു​ക ന​ൽ​കാ​ത്ത​തി​നാ​ൽ മൃ​ത​ദേ​ഹം വി​ട്ടു​ന​ൽ​കു​ന്നി​ല്ലെ​ന്ന ആ​രോ​പ​ണം നി​ഷേ​ധി​ച്ച ആ​ശു​പ​ത്രി അ​ധി​കൃ​ത​ർ, അ​നു​ഭാ​വ​പൂ​ർ​വ​മാ​യ നി​ല​പാ​ടാ​ണ്​ സ്വീ​ക​രി​ച്ചി​ട്ടു​ള്ള​തെ​ന്ന്​ വ്യ​ക്ത​മാ​ക്കി.
 

അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യൂ

Tags