‘വില്ലനായി ആരാധകർ ഏറ്റെടുക്കില്ല’; രാജമൗലി ചിത്രത്തിലെ വേഷം നിരസിച്ച് വിക്രം ?

എസ് എസ് രാജമൗലി സംവിധാനം ചെയ്യുന്ന ചിത്രത്തിൽ നിന്നും വിക്രം വില്ലൻ വേഷം നിരസിച്ചെന്ന വാർത്തയാണ് പുറത്തുവരുന്നത്. രാജമൗലി സംവിധാനം ചെയ്യുന്ന ഏറ്റവും പുതിയ ചിത്രമായ ‘എസ്എസ്എംബി 29 ‘ ൽ മഹേഷ് ബാബു, പൃഥ്വിരാജ്, പ്രിയങ്ക ചോപ്ര തുടങ്ങിയൊരു വൻതാരനിര തന്നെ അണിനിരക്കുന്നുണ്ട്.

Director #Rajamouli initially approached TAMIL STAR VIKRAM 💥 for a negative-shaded role in #SSMB29 .However #Vikram respectfully declined 🙏 ❌🎭

Now, the team has approached #Madhavan 🌟 for the same role and is currently awaiting his confirmation 🤝✅ pic.twitter.com/vPGq2RyIik

— Phani Kumar (@phanikumar2809) June 9, 2025

അടുത്തിടെ സിനിമയിൽ ആർ മാധവും ഭാഗമാകുന്നുവെന്ന റിപ്പോർട്ടുകൾ എത്തിയിരുന്നു. എന്നാൽ ഈ വേഷത്തിലേക്ക് ആദ്യം പരിഗണിച്ചിരുന്നത് ചിയാൻ വിക്രമിനെ ആണെന്നും അദ്ദേഹം നിരസിച്ചതിനെ തുടർന്നാണ് വേഷം മാധവനിലേക്ക് എത്തിയതെന്നുമാണ് പുതിയ റിപ്പോർട്ടുകൾ.

#ChiyaanVikram declined #SSMB29 due to this reason?

Because he is in no mood to play a negative role at this stage of his career.

After Vikram turned down the offer, SSMB29 makers reportedly approached #RMadhavan for the role, and the actor is yet to confirm his participation. pic.twitter.com/gt9HV7S6H8

— Cinema Mania (@ursniresh) June 9, 2025

സിനിമയിലെ പ്രധാന വില്ലൻ വേഷമായിരുന്നു വിക്രമിനായി രാജമൗലി നൽകിയിരുന്നത്. എന്നാൽ തന്നെ വില്ലനായി ആരാധകർ ഏറ്റെടുക്കില്ലെന്ന കാരണം പറഞ്ഞാണ് വിക്രം ഈ അവസരം നിഷേധിച്ചതെന്നാണ് റിപ്പോർട്ടുകൾ. പിന്നീട് ഈ വേഷത്തിനായി മാധവനെ സമീപിച്ചെന്നും നടൻ സ്വീകരിച്ചെന്നുമാണ് റിപ്പോട്ടുകൾ. അധികം വൈകാതെ തന്നെ ഔദ്യോഗിക സ്ഥിരീകരണം എത്തുമെന്നും റിപ്പോട്ടിൽ പറയുന്നു. നാഷണൽ മാധ്യമമായ കോയി മോയ്‌യും ഈ വാർത്ത റിപ്പോർട്ട് ചെയ്യുന്നുണ്ട്. വാർത്തകൾ സത്യമെങ്കിൽ വിക്രമിന് ഇത് വലിയ നഷ്ടമാണെന്നാണ് സോഷ്യൽ മീഡിയ പറയുന്നത്.

Thick rumours are firing in the Telugu industry that #ChiyaanVikram #Chiyaan #Vikram is signed to be part of #Rajamouli and #MaheshBabu next movie. Already #PrithivirajSukumaran #Prithiviraj is part of the movie. If it is true, the hype level for that movie will rocket high. pic.twitter.com/ywWsKhYXbK

— CinemaCutout (@cinemacutout) May 14, 2025

അതേസമയം, സിനിമയുടെ രണ്ടാം ഷെഡ്യൂൾ ഈ വാരം ഹൈദരാബാദിൽ ആരംഭിക്കുമെന്ന റിപ്പോർട്ടുകളുണ്ട്. വമ്പൻ താരനിരയുള്ള സിനിമയില്‍ ആരൊക്കെ ഈ ഷെഡ്യൂളിന്റെ ഭാഗമാകുമെന്ന സൂചനകൾ ഒന്നും തന്നെ പുറത്തുവന്നിട്ടില്ല. ചിത്രത്തിന്‍റെ ആദ്യ ഷെഡ്യൂളില്‍ മഹേഷ് ബാബുവും നായിക പ്രിയങ്ക ചോപ്രയും പങ്കെടുത്തിരുന്നു. 2028ലായിരിക്കും ചിത്രം റിലീസിനെത്തുക.

രാജമൗലിയുടെ അച്ഛനും തിരക്കഥാകൃത്തുമായ വിജയേന്ദ്ര പ്രസാദ് ആണ് ‘എസ്എസ്എംബി 29’ന് തിരക്കഥ ഒരുക്കുന്നത്. ഇന്ത്യൻ സിനിമ ഇന്നേവരെ കണ്ടിട്ടില്ലാത്തതാകും ചിത്രത്തിന്റെ തിയേറ്റർ അനുഭവമെന്നാണ് വിജയേന്ദ്ര പ്രസാദ് പറഞ്ഞത്. ആഫ്രിക്കന്‍ ജംഗിള്‍ അഡ്വെഞ്ചര്‍ ഗണത്തില്‍ പെടുന്ന ചിത്രം 1000 കോടി ബഡ്ജറ്റിലാണ് ഒരുങ്ങുന്നത്. എം എം കീരവാണിയാണ് സിനിമയുടെ സംഗീത സംവിധാനം നിർവഹിക്കുന്നത്.