അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ദിലീപിന്റെ 150ാമത് ചിത്രം ഒടിടിയിലും പ്രേക്ഷക ശ്രദ്ധ നേടുന്നു. ഒരു വർഷത്തിന് ശേഷം ദിലീപിന്റെ ഒരു ചിത്രം പ്രേക്ഷകർക്ക് മുന്നിലെത്തിയത്. ചിത്രത്തിന് തിയേറ്ററിൽ നല്ല റിപ്പോർട്ടായിരുന്നു ലഭിച്ചത്. ബിന്റോ സ്റ്റീഫൻ സംവിധാനം ചെയ്ത ചിത്രം പക്കാ ഫാമിലി എന്റർടെയ്നറാണ് ചിത്രം. തിയറ്ററുകളിൽ നിന്നും ലഭിച്ചതിനെക്കാൾ മികച്ച പ്രതികരണമാണ് പ്രിൻസ് ആൻഡ് ഫാമിലിയ്ക്ക് ഒടിടിയിൽ നിന്നും ലഭിച്ചു കൊണ്ടിരിക്കുന്നത്. വിവിധ ഭാഷക്കാരും സിനിമ കണ്ട് പ്രശംസിച്ചിട്ടുണ്ട്.
മാത്രമല്ല, ചിത്രത്തിലെ നായിക കഥാപാത്രമായ ചിഞ്ചു റാണിയെ അവതരിപ്പിച്ച റാണിയയുടെ പ്രകടനവും ചർച്ച ചെയ്യപ്പെടുന്നുണ്ട്. സോഷ്യൽ മീഡിയ താരമായിട്ടാണ് റാണിയ എത്തുന്നത്.തിയറ്റർ റൺ അവസാനിപ്പിച്ച് നാല്പത്തി മൂന്നാം ദിവസം ആയിരുന്നു സിനിമയുടെ ഒടിടി സ്ട്രീമിംഗ്.ബിന്റോ സ്റ്റീഫൻ സംവിധാനം ചെയ്ത ചിത്രം പക്കാ ഫാമിലി എന്റർടെയ്നറായിട്ടായിരുന്നു എത്തിയത്. പുതുമുഖ താരം റാണിയ റാണ നായിക വേഷത്തിൽ എത്തിയ ചിത്രത്തിൽ മലയാളത്തിലെ മുൻനിര താരങ്ങളും മികച്ച വേഷങ്ങളിൽ എത്തുന്നുണ്ട്.ധ്യാൻ ശ്രീനിവാസൻ, ജോസ് കുട്ടി ജേക്കബ്,ബിന്ദു പണിക്കർ, സിദ്ധിഖ്, മഞ്ജു പിള്ള, ഉർവ്വശി, ജോണി ആന്റണി,അശ്വിൻ ജോസ്, റോസ്ബെത് ജോയ്, പാർവതി രാജൻ ശങ്കരാടി തുടങ്ങിയവരായിരുന്നു പ്രധാന വേഷങ്ങളിൽ എത്തിയത്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ ആയിരുന്നു നിർമാണം.
