അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തായ്ലൻഡിലെ ബാങ്കോക്കിൽ 2025-ൽ നടന്ന IDF കോൺഗ്രസിലാണ്, പോഷകാഹാരക്കുറവുമായി ബന്ധപ്പെട്ട ടൈപ്പ് 5 ഡയബറ്റിസ് എന്ന പുതിയ പ്രമേഹ വിഭാഗത്തെക്കുറിച്ച് പ്രഖ്യാപനമുണ്ടായത്. ലോകമെമ്പാടുമായി 20-25 ദശലക്ഷം ആളുകൾക്ക് ഈ അവസ്ഥയുണ്ടെന്നാണ് കണക്കാക്കുന്നത്. ഏഷ്യ, ആഫ്രിക്ക എന്നിവിടങ്ങളിലാണ് ഇത് കൂടുതലായി കാണപ്പെടുന്നത്.
ടൈപ്പ് 5 ഡയബറ്റിസ് എന്നത് രൂക്ഷമായ ഇൻസുലിൻ കുറവുള്ള പ്രമേഹമാണ്. കുട്ടിക്കാലത്തോ കൗമാരത്തിലോ ഉണ്ടാകുന്ന പോഷകാഹാരക്കുറവാണ് ഇതിന് പ്രധാന കാരണം. പാൻക്രിയാസിന്റെ വളർച്ചയിലെ തകരാറാണ് ഇതിലേക്ക് നയിക്കുന്നത്.
70 വർഷത്തിലേറെയായി ഈ അവസ്ഥ നിരീക്ഷണത്തിലുണ്ടെങ്കിലും, ആഗോള ആരോഗ്യ ചർച്ചകളിൽ ഇതിന് വേണ്ടത്ര പ്രാധാന്യം ലഭിച്ചിരുന്നില്ല. പോഷകാഹാരക്കുറവ് മൂലമുണ്ടാകുന്ന ഈ പ്രമേഹത്തെക്കുറിച്ച് കൂടുതൽ പഠനങ്ങൾ നടക്കുന്നുണ്ട്.
