അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സീരിയല്‍-സിനിമ മേഖലകളിലൂടെ പ്രേക്ഷക ശ്രദ്ധ നേടിയ താരമാണ് വീണാ നായര്‍. കഴിഞ്ഞ കുറേ വര്‍ഷങ്ങളായി അഭിനയ രംഗത്ത് സജീവമാണ് വീണാ. ബിഗ് ബോസ് മലയാളത്തിലും വീണാ മത്സരാര്‍ത്ഥിയായി എത്തിയിരുന്നു. വീണയുടെ വിവാഹമോചനം അടുത്തിടെ വാര്‍ത്തകളില്‍ നിറഞ്ഞിരുന്നു. അതെസമയം നടി രണ്ടാം വിവാഹത്തിനൊരുങ്ങുന്നു എന്ന തരത്തില്‍ അടുത്തിടെ സോഷ്യല്‍ മീഡിയയില്‍ അഭ്യൂഹങ്ങള്‍ ഉണ്ടായിരുന്നു. ഇപ്പോഴിതാ മൈല്‍സ്റ്റോണ്‍ മേക്കേഴ്‌സിനു നല്‍കിയ അഭിമുഖത്തില്‍ ഇതെക്കുറിച്ച് തുറന്ന് പറയുകയാണ് നടി.
വീണാ നായരുടെ വാക്കുകള്‍….
‘അതൊക്കെ വെറുതേ ആളുകള്‍ പറയുന്നതാണ്. പക്ഷേ എനിക്ക് അങ്ങനെയൊരാള്‍ വേണം. അത് ഒരാവശ്യമാണ്. ഫാമിലി ലൈഫ് എനിക്ക് ഭയങ്കര ഇഷ്ടമാണ്. നീ നൂറുവട്ടം ആലോചിക്കണമെന്ന് എന്റെ സുഹൃത്തുക്കള്‍ പറയും. സമയമുണ്ടല്ലോ. എല്ലാം കൊണ്ടും ഓക്കെയായി ഒരാള്‍ ലൈഫില്‍ വന്നാല്‍ ഉറപ്പായും വിവാഹത്തെക്കുറിച്ച് ആലോചിക്കും. അങ്ങനെയൊരാള്‍ വരണമെന്ന് എനിക്ക് ആഗ്രഹമുണ്ട്. ഷൂട്ടിംഗും ടെന്‍ഷനുമൊക്കെ കഴിഞ്ഞുവരുമ്പോള്‍, പോട്ടെ, സാരമില്ല എന്ന് പറഞ്ഞ് കെട്ടിപ്പിടിക്കുന്ന, എന്റെ അച്ഛനെപ്പോലെ എന്നെ സ്നേഹിക്കുന്ന ഒരാള്‍ വന്നാല്‍ ഉറപ്പായും രണ്ടാം വിവാഹമുണ്ടാകും. എനിക്ക് മോന്‍ അല്ലേ ഉള്ളൂ. മോന്‍ തന്നെ വലിയ സംഭവമാണ്. പക്ഷേ എനിക്ക് അപ്പനും അമ്മയമൊന്നുമില്ലല്ലോ. വിളിച്ചന്വേഷിക്കാനും സ്നേഹിക്കാനും ഒരാള്‍ വേണം. നമ്മളെ നന്നായി സ്നേഹിക്കുന്നവര്‍ക്കേ നമ്മളെ നന്നായി വേദനിപ്പിക്കാനാകൂ. നമ്മള്‍ നന്നായി വിശ്വസിക്കുന്നവര്‍ക്ക് മാത്രമേ നമ്മളെ ചതിക്കാനാകൂ. ഞാന്‍ കര്‍മയിലാണ് വിശ്വസിക്കുന്നത്. സ്വര്‍ഗവും നരകവുമൊക്കെ ഇവിടത്തന്നെയാണ്’.
