അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.2001ല്‍ മോഹന്‍ലാലിനെ നായകനാക്കി പ്രിയദര്‍ശന്‍ സംവിധാനം ചെയ്ത സിനിമ ആയിരുന്നു കാക്കക്കുയില്‍. ചിത്രത്തില്‍ ‘ആലാരെ ഗോവിന്ദ’ എന്ന പാട്ടില്‍ ശ്വേത മേനോനും അഭിനയിച്ചിരുന്നു. ഇപ്പോഴിതാ പാട്ടില്‍ മോഹന്‍ലാലിനൊപ്പം അഭിനയിച്ച ഓര്‍മകള്‍ പങ്കുവെക്കുകയാണ് ശ്വേത മേനോന്‍. സില്ലിമോങ്ക്‌സ് മോളിവുഡിന് നല്‍കിയ അഭിമുഖത്തിലായിരുന്നു നടിയുടെ പ്രതികരണം.
ശ്വേത മേനോന്റെ വാക്കുകള്‍…..
‘ആ പാട്ടില്‍ ലാലേട്ടന്റെ ഒരു സോമര്‍സോള്‍ട്ടുണ്ട്. അതില്‍ സത്യത്തില്‍ ഞാന്‍ കൊടുത്തിട്ടുള്ള റിയാക്ഷന്‍സ് ഒറിജിനലായിരുന്നു. കാരണം എന്നോട് അതിനെ കുറിച്ച് ആരും പറഞ്ഞിരുന്നില്ല. ലാലേട്ടന്‍ സോമര്‍സോള്‍ട്ട് ചെയ്തിട്ടാണ് വരുന്നതെന്ന് പറഞ്ഞില്ല. ക്യാമറ എന്റെ നേരെ ആണെന്നും ഞാന്‍ അറിഞ്ഞിരുന്നില്ല. പെട്ടെന്ന് ലാലേട്ടന്‍ സോമര്‍സോള്‍ട്ട് ചെയ്ത് വന്നപ്പോള്‍ ഞാന്‍ വാ പൊളിച്ചു പോയി. അതായിരുന്നു ആദ്യത്തെ ക്ലോസപ്പ് ഷോട്ട്. എന്നെ സംവിധായകന്‍ പ്രിയദര്‍ശന്‍ ആയിരുന്നു ഈ പാട്ടില്‍ അഭിനയിക്കാന്‍ വിളിച്ചത്. എന്നാല്‍ വരില്ലെന്ന് ആദ്യം പറഞ്ഞിരുന്നു. അന്ന് മലയാളത്തില്‍ വലിയൊരു ഗ്യാപ്പ് വന്ന സമയമായിരുന്നു. എന്നെ ഒരു ദിവസം പെട്ടെന്ന് പ്രിയന്‍ വിളിക്കുകയായിരുന്നു. ഒരു സിനിമ ചെയ്യുന്നുണ്ടെന്നും ഹൈദരാബാദില്‍ വെച്ച് ഒരു പാട്ട് ഷൂട്ട് ചെയ്യാനുണ്ടെന്നും പറഞ്ഞു. ഞാന്‍ ഇല്ലെന്ന് അന്ന് പ്രിയനോട് പറഞ്ഞിരുന്നു. നല്ല പാട്ടാണെന്നും അതിന്റെ സെറ്റൊക്കെ ഇട്ടിട്ടുണ്ടെന്നും പ്രിയന്‍ പറഞ്ഞു. അവസാനം ഞാന്‍ പാട്ടിന് വേണ്ടി പോകുകയായിരുന്നു.’
1988ല്‍ പുറത്തിറങ്ങിയ എ ഫിഷ് കോള്‍ഡ് വാണ്ട എന്ന ഇംഗ്ലീഷ് സിനിമയെ ആസ്പദമാക്കിയാണ് സിനിമ ഒരുക്കിയത്. മോഹന്‍ലാല്‍, മുകേഷ് എന്നിവര്‍ പ്രധാനവേഷത്തില്‍ എത്തിയ സിനിമയിലെ ‘ആലാരെ ഗോവിന്ദ’ എന്ന ഗാനം ഹിറ്റായിരുന്നു. പ്രിയദര്‍ശന്‍ രചനയും സംവിധാനവും നിര്‍വഹിച്ച ചിത്രം നിര്‍മിച്ചത് ലിസി ആയിരുന്നു.
