അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റോക്കറ്റ് ബോയ്സ് എന്ന സീരീസില്‍ അബ്ദുള്‍ കലാമിനെ അവതരിപ്പിച്ചുകൊണ്ട് പ്രേക്ഷകശ്രദ്ധ നേടിയ നടനാണ് അര്‍ജുന്‍ രാധാകൃഷ്ണന്‍. ഡിയര്‍ ഫ്രണ്ട്, ഉള്ളൊഴുക്ക്, ഐഡന്റിറ്റി എന്നീ ചിത്രങ്ങളിലും ശ്രദ്ധേയമായ വേഷങ്ങള്‍ ചെയ്തിട്ടുണ്ട്. 2017ല്‍ കാസര്‍ഗോഡ് നടന്ന സംഭവത്തെ അടിസ്ഥാനമാക്കി റോബി വര്‍ഗീസ് രാജ് സംവിധാനം ചെയ്ത ചിത്രമായിരുന്നു കണ്ണൂര്‍ സ്‌ക്വാഡ്. സിനിമയില്‍ വില്ലന്‍ വേഷം ചെയ്തിരുന്നത് അര്‍ജുന്‍ രാധാകൃഷ്ണന്‍ ആണ്. ഇപ്പോഴിതാ കണ്ണൂര്‍ സ്‌ക്വാഡില്‍ മമ്മൂട്ടിക്കൊപ്പമുള്ള ഫൈറ്റ് സീനിലെ അനുഭവം പങ്കുവെയ്ക്കുകയാണ് നടന്‍. ക്ലബ്ബ് എഫ് എമ്മിന് നല്‍കിയ അഭിമുഖത്തിലായിരുന്നു അര്‍ജുന്റെ പ്രതികരണം.
അര്‍ജുന്റെ വാക്കുകള്‍…..
‘കണ്ണൂര്‍ സ്‌ക്വാഡ് വലിയൊരു എക്സ്പീരിയന്‍സായിരുന്നു. ക്ലൈമാക്സ് ഫൈറ്റ് ഷൂട്ട് ചെയ്തപ്പോള്‍ ഞാന്‍ വല്ലാതെ നെര്‍വസ്സായിരുന്നു. കാരണം, മമ്മൂക്കയെപ്പോലൊരു വലിയ നടനുമായിട്ടാണ് ഫൈറ്റ്. അതും കട്ടക്ക് പിടിച്ചു നില്‍ക്കണം. മമ്മൂക്കയെ ചവിട്ടേണ്ടി വരുമെന്നറിഞ്ഞപ്പോള്‍ ചെറുതായിട്ട് പേടിച്ചു. കാരണം, എന്നെപ്പോലെ പുതിയൊരു നടന്‍ അദ്ദേഹത്ത എങ്ങനെ ചവിട്ടുമെന്ന് ആലോചിച്ച് ടെന്‍ഷനായി. എന്റെ അവസ്ഥ മനസിലാക്കി മമ്മൂക്ക അടുത്ത് വന്ന് എന്നോട് കുറച്ച് നേരം സംസാരിച്ചു. ‘ഇറ്റ്സ് ഓക്കേ, ചവിട്ടിക്കോ’ എന്ന് അദ്ദേഹം പറഞ്ഞു. എന്നെ പരമാവധി കംഫര്‍ട്ടാക്കി. പക്ഷേ, എത്ര തന്നെ കംഫര്‍ട്ടാക്കിയാലും സീനിന്റെ സമയത്ത് ഒരു പേടി വരുമല്ലോ. ആ പേടിയില്‍ തന്നെയാണ് ഫൈറ്റ് ചെയ്തത്. പുതിയ പയ്യനായതുകൊണ്ട് മമ്മൂക്കയും എന്നോട് സൂക്ഷിച്ചാണ് പെരുമാറിയത്.’
2023ല്‍ പുറത്തിറങ്ങിയ ഒരു പോലീസ് ത്രില്ലര്‍ ചിത്രമാണ് കണ്ണൂര്‍ സ്‌ക്വാഡ്. ചിത്രത്തിന്റെ തിരക്കഥയും സംവിധാനവും നിര്‍വ്വഹിച്ചിരിക്കുന്നത് റോബി വര്‍ഗീസ് രാജ് ആണ്. മമ്മൂട്ടി, അര്‍ജുന്‍ രാധാകൃഷ്ണന്‍, അസീസ് നെടുമങ്ങാട്,റോണി ഡേവിഡ് എന്നിവരാണ് ചിത്രത്തില്‍ പ്രധാന വേഷം ചെയ്തിരിക്കുന്നത്.
