അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വെജിറ്റേറിയൻസിന് മാത്രമല്ല എല്ലാവർക്കും ഇഷ്ടമുള്ളൊരു വിഭവമാണ് പനീർ ടിക്ക. റെസ്റ്ററ ന്റിൽ കിട്ടുന്ന അതെ രുചിയിൽ സ്വാദിഷ്ടമായ പനീർ ടിക്ക ഇനി വീട്ടിൽ തയ്യാറാക്കിയെടുക്കാം.
ചേരുവകൾ
- പനീർ – 200 ഗ്രാം
- മുളകുപൊടി – 2 ടീസ്പൂൺ
- കുരുമുളകുപൊടി – 1/2 ടീസ്പൂൺ
- ഗരംമസാല – 2 ടീസ്പൂൺ
- മഞ്ഞൾപൊടി – 1 നുള്ള്
- ഇഞ്ചി-വെളുത്തുള്ളി പേസ്റ്റ് – 1 ടേബിൾസ്പൂൺ
- തൈര് – 2 ടേബിൾസ്പൂൺ
- വെണ്ണ – 1 ടേബിൾസ്പൂൺ
- ഉപ്പ് – ആവശ്യത്തിന്
തയ്യാറാക്കുന്ന വിധം
പനീർ ചെറിയ കഷ്ണങ്ങളായി മുറിക്കുക. മുളകുപൊടി, കുരുമുളകുപൊടി, ഗരംമസാല, മഞ്ഞൾപൊടി, ഇഞ്ചി-വെളുത്തുള്ളി അരച്ചത്, ഉപ്പ് എന്നിവ തൈര് ചേർത്ത് നന്നായി യോജിപ്പിച്ച് പേസ്റ്റ് പരുവത്തിലാക്കുക. ഈ മിശ്രിതം പനീരിൽ പുരട്ടി 20 മിനിറ്റ് വയ്ക്കുക. ഇനി ഒരു നോൺ സ്റ്റിക്ക് പാനിൽ 1 ടേബിൾസ്പൂൺ വെണ്ണ ചൂടാക്കി, പനീർ ഇട്ട് ചെറുതീയിൽ ഇരുവശവും ബ്രൗണ്‍ നിറമാകുന്നവരെ മൊരിച്ചെടുക്കുക.
STORY HIGHLIGHT: paneer tikka
