അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചേരുവകൾ
മാമ്പഴം ചതുരത്തിൽ ചെറിയ കഷണങ്ങളാക്കിയത് 2 എണ്ണം,കട്ടിത്തൈര് അര കപ്പ് (പകരം വിപ്പിങ് ക്രീം ഉപയോഗിക്കാം),തേൻ അല്ലെങ്കിൽ പൊടിച്ച പഞ്ചസാര 2 ടേബിൾ സ്പൂൺ (തൈരിന് മധുരം കിട്ടാൻ), ബിസ്കറ്റ് പൊടിച്ചത് 50 ഗ്രാം, പുതിനയില ആവശ്യത്തിന്.
തയാറാക്കുന്ന വിധം – തൈര് നന്നായി അടിച്ചെടുത്ത് പൊടിച്ച പഞ്ചസാരയും ആവശ്യമെങ്കിൽ കുറച്ചു വനില എസെൻസും ചേർത്ത് യോജിപ്പിക്കുക. പകുതി മാമ്പഴം മിക്സിയിൽ അടിച്ചെടുക്കണം. ബിസ്കറ്റ് തരിതരിയായി പൊടിച്ചെടുക്കാം. സെർവിങ് ഗ്ലാസിൽ കുറച്ച് ബിസ്കറ്റ് പൊടിച്ചത് ഇടുക. അതിനു മുകളിലായി കട്ടിത്തൈരും പിന്നെ അരച്ച മാമ്പഴവും ലെയറായി നിറയ്ക്കുക. വീണ്ടും ഇതുപോലെ ലെയറായി നിറച്ച് മുകളിൽ മാമ്പഴ കഷണങ്ങളും ഇട്ട് നടുവിൽ പുതിനയിലയും വയ്ക്കുക. ആവശ്യങ്കിൽ കുറച്ച് അണ്ടിപ്പരിപ്പും നുറുക്കിയിടാം. ശേഷം അര മണിക്കൂർ ഫ്രിഡ്ജിൽ വച്ച് നന്നായി തണുപ്പിച്ചു കഴിക്കാം.
