അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തല്ലുമാല, വിജയ് സൂപ്പറും പൗര്‍ണമിയും എന്നീ ചിത്രങ്ങളിലെ വേഷങ്ങളിലൂടെ ശ്രദ്ധേയനായ നടനാണ് ഡാന്‍ ഓസ്റ്റിന്‍ തോമസ്. ഡാന്‍ ഓസ്റ്റിന്‍ മോഹന്‍ലാലിനെ നായകനാക്കി സംവിധാനം ചെയ്യുന്ന ചിത്രം കഴിഞ്ഞ ദിവസമാണ് പ്രഖ്യാപിച്ചത്. ആഷിക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിഖ് ഉസ്മാന്‍ നിര്‍മിക്കുന്ന ചിത്രത്തിന് ‘L 365’ എന്നാണ് താത്കാലികമായി പേരിട്ടിരിക്കുന്നത്. ഇപ്പോഴിതാ സിനിമയെക്കുറിച്ച് ഡാന്‍ ഓസ്റ്റിന്‍ പറയുന്ന വിഡിയോ സോഷ്യല്‍ മീഡിയയില്‍ വൈറലാക്കുകയാണ്.
ഓസ്റ്റിന്റെ വാക്കുകള്‍….
‘സിനിമയുടെ പ്രീ പ്രൊഡക്ഷന്‍ പരിപാടികള്‍ തുടങ്ങിയിട്ടുണ്ട്. അദ്ദേഹത്തിന്റെ ഫാന്‍ ആണ്. അതുകൊണ്ട് തന്നെ ഫാന്‍ ബോയ് പടം എന്ന് പ്രത്യേകം എടുത്ത് പറയാന്‍ ഇല്ല. എല്ലാരും പ്രാര്‍ത്ഥിക്കണം, നോക്കാം, സിനിമയുടെ കൂടുതല്‍ വിവരങ്ങള്‍ എല്ലാരോടും ആയി പങ്കുവെക്കും. ത്രില്ലര്‍ ആണ് സിനിമ, കത്തിക്കണം’ .
L365 investigation thriller 😌🔥#Mohanlal #L365 pic.twitter.com/CWn5wTF7jl
— ꜱᴍ ᴀᴊɪᴛʜ (@sm__ajith) July 14, 2025
രതീഷ് രവിയാണ് ചിത്രത്തിന്റെ കഥ, തിരക്കഥ, സംഭാഷണം ഒരുക്കുന്നത്. രതീഷ് രവി, ആഷിഖ് ഉസ്മാന്‍, ഡാന്‍ ഓസ്റ്റിന്‍ തോമസ് എന്നിവര്‍ക്കൊപ്പമുള്ള ചിത്രം പങ്കുവെച്ച് മോഹന്‍ലാല്‍ തന്നെയാണ് ചിത്രം പ്രഖ്യാപിച്ചത്. ചിത്രവുമായി ബന്ധപ്പെട്ട് മറ്റ് വിവരങ്ങള്‍ പുറത്തുവിട്ടിട്ടില്ല. സിനിമയ്ക്ക് സംഗീതം ഒരുക്കുന്നത് ജേക്‌സ് ബിജോയ് ആണെന്ന് ആഷിഖ് ഉസ്മാന്‍ നേരത്തെ പറഞ്ഞിരുന്നു. ആഷിഖ് ഉസ്മാന്റെ തന്നെ നിര്‍മാണത്തില്‍ മിഥുന്‍ മാനുവല്‍ തോമസ് സംവിധാനംചെയ്ത ‘അഞ്ചാംപാതിര’യുടെ ചീഫ് അസോസിയേറ്റ് ഡറക്ടറായിരുന്നു ഓസ്റ്റിന്‍.
