അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചേരുവകള്
ബസ്മതി അരി – 2 കപ്പ്
വെള്ളം – 3 കപ്പ്
ചിക്കന് – ½ കിലോ
സവാള – 2 എണ്ണം വലുത് ചെറുതായി അരിഞ്ഞത്
തക്കാളി-1
പച്ചമുളക് – 4 എണ്ണം അരിഞ്ഞത്
ഇഞ്ചി വെളുത്തുള്ളി പേസ്റ്റ് – 3 ടീസ്പൂണ്
വഴനയില/കറുവപ്പട്ട ഇല/ബേ ലീഫ് – 1
മല്ലിയില – ½ കപ്പ്
പുതിനയില – ½ കപ്പ്
കട്ടിയുള്ള തൈര് – 1 കപ്പ്
ചുവന്ന മുളക് പൊടി – 2 ടീസ്പൂണ് അല്ലെങ്കില് ആവശ്യത്തിന്
ഗരം മസാല പൊടി – 1 ടീസ്പൂണ്
മഞ്ഞള് പൊടി – 1 ടീസ്പൂണ്
മല്ലിപ്പൊടി – 1 ടീസ്പൂണ്
ജീരകപ്പൊടി – 1 ടീസ്പൂണ്
കശുവണ്ടി – 2 ടീസ്പൂണ്
ഉണക്കമുന്തിരി – 2 ടീസ്പൂണ്
എണ്ണ – 3 ടേബിള്സ്പൂണ്
നെയ്യ് – 3 ടേബിള്സ്പൂണ്
ഉപ്പ് പാകത്തിന്
ആവശ്യത്തിന് നാരങ്ങ നീര്
ജീരകം – 1 ടീസ്പൂണ്
പെരുംജീരകം – 1 ടീസ്പൂണ്
കറുവപ്പട്ട – 1 ചെറിയ കഷ്ണം
ഗ്രാമ്പൂ – 5
ഏലക്ക – 5 എണ്ണം ചതച്ചത്
ബേ ലീഫ് – 1
ഉണ്ടാക്കുന്ന വിധം
ബസ്മതി അരി കഴുകി കുതിര്ത്ത ശേഷം ഊറ്റി മാറ്റി വയ്ക്കുക.
പ്രഷര് കുക്കറില് എണ്ണയും നെയ്യും ചൂടാക്കുക
അതില് കശുവണ്ടിയും ഉണക്കമുന്തിരിയും വറുത്ത് മാറ്റി വയ്ക്കുക.
ഉള്ളി, പച്ചമുളക് എന്നിവ ചെറിയ തീയില് ബ്രൗണ് നിറമാകുന്നതുവരെ വഴറ്റുക.
ഇതിലേക്ക് ഇഞ്ചി വെളുത്തുള്ളി പേസ്റ്റ് ചേര്ത്ത് ഒരു മിനിറ്റ് വഴറ്റുക.
തക്കാളി, മസാലപ്പൊടികള്, മല്ലിയില, പുതിനയില എന്നിവ ചേര്ക്കുക. ഇത് നന്നായി ഇളക്കുക.
ഇതിലേക്ക് തൈര് ഒഴിച്ച് നന്നായി മിക്സ് ചെയ്യുക.
ഇനി ചിക്കന് കഷണങ്ങള് ഇട്ട് ചിക്കന് മസാലയില് പൊതിയുന്നത് വരെ വഴറ്റുക.
ഇതിലേക്ക് കുതിര്ത്ത ബസ്മതി അരി ചേര്ത്ത് നന്നായി യോജിപ്പിക്കുക.
3 കപ്പ് വെള്ളം ഒഴിച്ച് കുറച്ച് ഉപ്പ് ചേര്ത്ത് നന്നായി ഇളക്കുക.
ഇതൊന്നു നന്നായി തിളച്ചു വന്ന ശേഷം തീ കുറയ്ക്കുക
പ്രഷര് കുക്കര് മൂടി വെച്ച് 1 വിസില് വരുന്നത് വരെ വേവിക്കുക
തുടര്ന്ന് സിമ്മില് ഇട്ട് 15 മിനിറ്റ് വേവിക്കുക.
തീ ഓഫ് ചെയ്യാം. ആവി പോകുന്നത് വരെ കാത്തിരിക്കണം.
പ്രഷര് കുക്കര് തുറന്ന് ഒരു ഫോര്ക്ക് ഉപയോഗിച്ച് ഇളക്കുക.
ഈ സമയത്ത് അല്പം നാരങ്ങ നീര് പിഴിഞ്ഞ് നന്നായി യോജിപ്പിക്കാം.
വറുത്ത കശുവണ്ടിയും ഉണക്കമുന്തിരിയും കൊണ്ട് അലങ്കരിക്കുക
