അന്തരിച്ച കലാകാരന്‍ സുധിയുടെ ഭാര്യ രേണു സുധിയുമായി ബന്ധപ്പെട്ട് സമീപകാലത്ത് സോഷ്യല്‍ മീഡിയയില്‍ നടക്കുന്ന വിവാദങ്ങളില്‍ പ്രതികരിച്ച് വ്‌ളോഗറും ബിഗ് ബോസ് താരവുമായ സായ് കൃഷ്ണ. ആരും വീട്ടില്‍ ഇല്ലാതിരുന്ന സമയത്ത് തന്റെ വീട്ടില്‍ അനുവാദമില്ലാതെ വന്ന് ഷൂട്ട് ചെയ്ത മീഡിയകള്‍ക്കെതിരെ കഴിഞ്ഞ ദിവസം രേണു രംഗത്ത് വന്നിരുന്നു. ഇതേക്കുറിച്ചാണ് പുതിയ വ്‌ളോഗില്‍ സായ് കൃഷ്ണയും ഭാര്യ സ്‌നേഹയും സംസാരിക്കുന്നത്.
സായ് കൃഷ്ണയും ഭാര്യയും വ്‌ളോഗില്‍ പറഞ്ഞത്….
‘ആര്‍ക്കും കയറിച്ചെല്ലാവുന്ന വീടാണോ സുധിലയം എന്നും ആരും ഇല്ലാത്തപ്പോള്‍ വീട് തുറന്നിട്ടാണോ പോകാറ്. മരിച്ചാലും തനിക്ക് സൈ്വര്യം തരില്ലല്ലോ എന്നായിരിക്കും സുധി ഇപ്പോള്‍ ആലോചിക്കുന്നത്. ഇവരുടെ വീട്ടില്‍ ആ കുട്ടി സേഫ് ആണോ. ചുമ്മാ വരുന്നവരും പോകുന്നവരും വീട്ടില്‍ കയറി വീഡിയോ എടുക്കുക എന്നു പറയുമ്പോള്‍ എന്ത് സേഫ്റ്റിയാണ് അവിടെയുള്ളത്. എന്താണീ പറയുന്നതെന്ന് മനസിലാകുന്നില്ല. വല്ലാത്തൊരു കാഴ്ച ആയിപ്പോയി.
ഇവര്‍ വീട് തുറന്നിട്ടിരിക്കുകയാണോ? ആര്‍ക്കും വരാം, പോകാം. നമ്മളൊക്കെ പുറത്തു പോകുമ്പോള്‍ പൂട്ടിയിട്ടല്ലേ പോകുക. അങ്ങനെ എല്ലാവരും കേറിയിറങ്ങി നിരങ്ങി നടക്കുന്ന വീടാണോ ഈ സുധിലയം? എന്തൊക്കെയാണ് ഈ കൊച്ചുകേരളത്തില്‍ നടക്കുന്നത്. ഈ യൂണിവേഴ്‌സ് ബിഗ്‌ബോസിലൊക്കെ വന്നാല്‍ പൊളിക്കും. അടുത്തത് നമുക്ക് ബിഗ്‌ബോസില്‍ കാണാം’.
‘കട്ടിലില്‍ തുണിയെല്ലാം കിടക്കുന്ന വീഡിയോ ആരോ എടുത്തു. ആരാണെന്ന് എനിക്കറിയില്ല. വീട്ടില്‍ ആരുമില്ലായിരുന്നു. ബെഡ് റൂമൊക്കെ വീഡിയോ എടുക്കുമ്പോള്‍ പറഞ്ഞിട്ട് എടുക്കേണ്ടേ. അത് ആരാണ് എന്താണ് എന്നൊന്നും എനിക്കറിയില്ല”, എന്നായിരുന്നു രേണു പറഞ്ഞത്. ഇതുമായി ബന്ധപ്പെട്ടാണ് സായ് കൃഷ്ണയും ഭാര്യയും ഇത്തരം ചോദ്യങ്ങളുമായി വ്‌ളോഗില്‍ എത്തിയത്.