അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രജനികാന്തിനെ നായകനാക്കി ടിജെ ജ്ഞാനവേല്‍ സംവിധാനം ചെയ്ത ചിത്രമായിരുന്നു വേട്ടയ്യന്‍. ചിത്രത്തില്‍ രജിനികാന്തിനൊപ്പം പാട്രിക്ക് എന്ന കഥാപാത്രമായി ഫഹദും എത്തിയിരുന്നു. ഹ്യൂമര്‍ സ്വഭാവമുള്ള കഥാപാത്രമായിരുന്നു ഫഹദിന്റേത്. ഇപ്പോഴിതാ ചിത്രത്തില്‍ ആദ്യം മറ്റൊരു കഥാപാത്രത്തിനെ അവതരിപ്പിക്കാന്‍ ആയിരുന്നു തന്നെ ക്ഷണിച്ചിരുന്നതെന്നും താന്‍ ആണ് പാട്രിക്ക് എന്ന റോള്‍ തിരഞ്ഞെടുത്തതെന്നും തുറന്ന് പറഞ്ഞിരിക്കുകയാണ് ഫഹദ്. ഹോളിവുഡ് റിപ്പോര്‍ട്ടര്‍ ഇന്ത്യയ്ക്ക്‌നല്‍കിയ അഭിമുഖത്തിലാണ് ഫഹദ് ഇക്കാര്യം തുറന്ന് പറഞ്ഞത്.
ഫഹദിന്റെ വാക്കുകള്‍……
‘ആദ്യം വേട്ടയ്യനില്‍ മറ്റൊരു റോളിലേക്കായിരുന്നു എന്നെ വിളിച്ചത്. പക്ഷെ സ്‌ക്രിപ്റ്റ് കേട്ടതിന് ശേഷം ഞാനാണ് പാട്രിക്ക് എന്ന ഇപ്പോള്‍ ചെയ്തിരിക്കുന്ന കഥാപാത്രം തിരഞ്ഞെടുത്തത്. പക്ഷെ ഞാന്‍ സിനിമയിലേക്ക് അവസാന നിമിഷം എത്തിയത്‌കൊണ്ട് ഞാന്‍ തിരഞ്ഞെടുത്ത കഥാപാത്രത്തിന് കൂടുതല്‍ സ്‌ക്രീന്‍ടൈം കൊടുക്കാനും തിരക്കഥ മാറ്റിയെഴുതാനും ജ്ഞാനവേല്‍ സാറിനും സമയം കിട്ടിയില്ല. എനിക്കും ആ സ്‌ക്രിപ്റ്റിനെ ഡാമേജ് ചെയ്യണമെന്ന് ഇല്ലായിരുന്നു’.
#FahadhFaasil was originally cast in a different role for Vettaiyan, but he specifically requested to play Patrick instead. Since director Gnanavel couldn’t rework the role to give it more weight, that explains why Fahadh’s character felt underwhelming❗pic.twitter.com/7RoqNQSa64
— Mohammed Ihsan (@ihsan21792) July 23, 2025
300 കോടി ബജറ്റിലാണ് ഒരുങ്ങിയ സിനിമയ്ക്ക് ഇന്ത്യന്‍ ബോക്സ് ഓഫീസില്‍ നിന്ന് 148.15 കോടി മാത്രമാണ് നേടാനായത് എന്ന് അനലിസ്റ്റുകള്‍ റിപ്പോര്‍ട്ട് ചെയ്യുന്നു. തമിഴിലെ പ്രമുഖ നിര്‍മാതാക്കളായ ലൈക്ക പ്രൊഡക്ഷന്‍സാണ് ചിത്രം നിര്‍മ്മിച്ചത്. രജനികാന്തിന് പുറമെ അമിതാഭ് ബച്ചന്‍, റാണ ദഗുബതി, ഫഹദ് ഫാസില്‍, മഞ്ജു വാര്യര്‍ തുടങ്ങിയ വന്‍ താരനിര ഭാഗമായ ചിത്രമാണ് വേട്ടയ്യന്‍. ചിത്രം കേരളത്തില്‍ വിതരണത്തിന് എത്തിച്ചത് ശ്രീ ഗോകുലം മൂവീസാണ്.
