അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രജനികാന്തിനെ നായകനാക്കി കെ എസ് രവികുമാര്‍ സംവിധാനം ചെയ്ത ചിത്രമാണ് പടയപ്പ. രജനികാന്തിന്റെ കരിയറിലെ ഏറ്റവും വലിയ ഹിറ്റ് സിനിമ കൂടിയായിരുന്നു’പടയപ്പ’. ചിത്രത്തില്‍ രമ്യ കൃഷ്ണന്‍ അവതരിപ്പിച്ച നീലാംബരി എന്ന കഥാപാത്രം ഏറെ കയ്യടി വാങ്ങിയിരുന്നു. ഇപ്പോഴിതാ നീലാംബരി എന്ന കഥാപാത്രത്തെ കുറിച്ച് മനസ്തുറക്കുകയാണ് നടി. ആ കഥാപാത്രത്തിനെ കുറിച്ച് തന്റെ അടുത്ത് പറയുമ്പോള്‍ തനിക്ക് വളരെയധികം ഭയം തോന്നിയെന്നും വേറെ ചോയ്സ് ഇല്ലാത്തതുകൊണ്ടാണ് ആ കഥാപാത്രത്തെ അവതരിപ്പിച്ചതെന്നും നടി പറഞ്ഞു. അടുത്തിടെ നല്‍കിയ ഒരു അഭിമുഖത്തിലായിരുന്നു നടിയുടെ പ്രതികരണം.
നടിയുടെ വാക്കുകള്‍…..
”ഒരു സംവിധായകനോടും ഈ കഥാപാത്രമേ ചെയ്യൂ, ആ കഥാപാത്രം ചെയ്യില്ല എന്നൊന്നും പറയരുത്. മനസ് തുറന്നുവെച്ചോളൂ. നിങ്ങള്‍ക്ക് ഇഷ്ടപ്പെടാത്തതുകൊണ്ട് ആ ക്യാരക്ടര്‍ നല്ലതാവില്ല എന്നില്ല. എന്തുകൊണ്ടെന്നാല്‍ നീലാംബരിയെ കുറിച്ച് എന്നോട് പറയുമ്പോള്‍ എനിക്ക് ആദ്യം വളരെയധികം ഭയം തോന്നിയിരുന്നു. ആ സമയത്ത് വേറെ ചോയ്സ് എനിക്കില്ലാത്തത് കൊണ്ടാണ് ഞാന്‍ അത് ചെയ്തത്.
പക്ഷേ ആ കഥാപാത്രമായി ഞാന്‍ ആത്മാര്‍ത്ഥമായി അഭിനയിച്ചു. അതായിരുന്നു എന്റെ കരിയറിലെ ഏറ്റവും വലിയ നാഴികക്കല്ലായി മാറിയത്. അതുപോലെ നമ്മള്‍ പ്രതീക്ഷിക്കാത്ത ചിലതൊക്കെ നടക്കും. വ്യത്യസ്തമായ കഥാപാത്രം അഭിനയിക്കാനായി നിങ്ങളെ സമീപിച്ചാല്‍ എന്ത് കൊണ്ടാണ് അങ്ങനെ ആവശ്യപ്പെടുന്നത് എന്ന് ആലോചിച്ച് തീരുമാനമെടുക്കുക. മനസിനെ ബ്ലോക്ക് ചെയ്ത് വെക്കരുത്’.
സൗന്ദര്യ, ലക്ഷ്മി, രാധ രവി, അബ്ബാസ് തുടങ്ങി നിരവധി താരനിര അണിനിരന്ന സിനിമയാണ് പടയപ്പ. അഞ്ച് തമിഴ്നാട് സംസ്ഥാന ചലച്ചിത്ര അവാര്‍ഡുകളും ഈ ചിത്രം നേടി.
