അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിനയ് ഫോർട്ട്, സണ്ണി വെയ്ൻ, ലുക്മാൻ അവറാൻ, ദീപ തോമസ് തുടങ്ങിയ വമ്പൻ താരനിരകൾ അണിനിരന്ന സിനിമയാണ് ‘പെരുമാനി’. 2024 മെയ് 10 ന് റിലീസ് ചെയ്ത സിനിമ ആണ് പെരുമാനി. ഇപ്പോഴിതാ തിയറ്ററിലെത്തി ഒരു വർഷത്തിന് ശേഷം ചിത്രം ഒ.ടി.ടിയിൽ എത്താനൊരുങ്ങുകയാണ്. ചിത്രം ഉടൻ സൈന പ്ലേയിൽ സ്ട്രീം ചെയ്യുമെന്നാണ് പുറത്തുവരുന്ന റിപ്പോർട്ട്. ചിത്രത്തിനായി ഏറെ ആവേശത്തോടെയാണ് പ്രേക്ഷകർ കാത്തിരിക്കുന്നത്.
കഴിഞ്ഞ വർഷം മേയ് മാസത്തിൽ തിയറ്ററുകളിൽ പ്രദർശനത്തിനെത്തിയ ചിത്രം, വ്യത്യസ്തമായ ആഖ്യാനശൈലിയും പ്രകടനങ്ങളും കൊണ്ട് പ്രശംസിക്കപ്പെട്ടു. സൈന പ്ലേ ആണ് ചിത്രത്തിന്‍റെ ഡിജിറ്റൽ അവകാശങ്ങൾ സ്വന്തമാക്കിയതെങ്കിലും കൃത്യമായ റിലീസ് തീയതി പ്ലാറ്റ്‌ഫോം പ്രഖ്യാപിച്ചിട്ടില്ല. ആഗസ്റ്റിൽ ചിത്രം സൈറ്റിൽ ലഭ്യമാകാൻ സാധ്യതയുണ്ട്.
‘അപ്പൻ’ എന്ന ചിത്രത്തിനു ശേഷം മജു സംവിധാനം ചെയ്ത ചിത്രമാണിത്. പെരുമാനി എന്ന ഗ്രാമവും അവിടുത്തെ ജനങ്ങൾ അഭിമുഖീകരിക്കുന്ന പ്രശ്നങ്ങളുമാണ് ചിത്രത്തിന്‍റെ പ്രമേയം. നവാസ് വള്ളിക്കുന്ന്, ദീപ തോമസ്, രാധിക രാധാകൃഷ്ണൻ, വിജിലേഷ്, ഫ്രാങ്കോ എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ.
ടൊവിനോ തോമസിന്റെ ‘നടികർ’, അജു വർഗീസും ശ്രീരാഗ് ഷൈനും പ്രധാന വേഷങ്ങളിൽ എത്തിയ ‘സ്താനാർത്തി ശ്രീക്കുട്ടൻ’ എന്നീ സിനിമകളും ഇതേ പോർട്ടലിൽ ലഭ്യമാണ്.
