ഓണക്കാല വിനോദങ്ങളിൽ ഏറ്റവും പഴക്കമേറിയ ഇനമാണ്‌ ഓണത്തല്ല്. ഒരുകാലത്ത് കേരളത്തിലെ ഓണം ആഘോഷങ്ങളുടെ ഒഴിവാക്കാനാവാത്ത ഒരു ഭാഗമായിരുന്നു ഓണത്തല്ല് എന്ന വിനോദം. അന്യം നിന്ന് പോയ ഈ വിനോദം തിരികെ കൊണ്ടുവരിക എന്ന ലക്ഷ്യത്തോടെ ഈ വര്‍ഷം ഒരു ക്യാമ്പയിന്‍ ആരംഭിക്കുകയാണ്. സിനിമാ താരം ഷൈന്‍ ടോം ചാക്കോ ആണ് ഈ ക്യാമ്പയിന്റെ ബ്രാന്‍ഡ് അംബാസഡര്‍.
2025 ഓഗസ്റ്റ് 31 നു ലോകത്തെ ഏറ്റവും വലിയ പൈനാപ്പിള്‍ മാര്‍ക്കറ്റ് ആയ വാഴക്കുളത്ത് വെച്ച് ക്യാമ്പയിന്‍ ഉദ്ഘാടനം നടക്കും. 31 നു വെകുന്നേരം 4 മണിക്കാണ് ഇതിന്റെ ഉദ്ഘാടന ചടങ്ങുകള്‍ ആരംഭിക്കുക. ഫൈറ്റ് നൈറ്റ് എന്ന പേരില്‍ നടത്തുന്ന ഈ ഓണത്തല്ല് കാസ്പറോവ് പ്രൈം പ്രൈവറ്റ് ലിമിറ്റഡും പാന്റ് ക്ലബും ചേര്‍ന്നാണ് അവതരിപ്പിക്കുന്നത്.
STORY HIGHLIGHT: Onathallu Campaign starts with Shine Tom Chacko