അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടന്‍ കൃഷ്ണകുമാറിന്റെ മകളും സോഷ്യല്‍ മീഡിയ ഇന്‍ഫ്‌ളുവന്‍സറും സംരംഭകയുമായ ദിയ കൃഷ്ണയുടെ പ്രസവ വീഡിയോ സോഷ്യല്‍ മീഡിയയില്‍ വൈറലായിരുന്നു. നിയോം എന്നാണ് ദിയ മകന് പേരിട്ടിരിക്കുന്നത്. വീട്ടില്‍ ഓമി എന്ന് വിളിക്കും. പ്രസവത്തിനു മുന്‍പും ശേഷവും ഉള്ള കാര്യങ്ങളെല്ലാം ദിയ സമൂഹമാധ്യമങ്ങളിലൂടെ ആരാധകരോട് പങ്കുവെയ്ക്കാറുണ്ട്. ഇപ്പോള്‍ ഓമിയെക്കുറിച്ചും ഓമിയുടെ വരവിനു ശേഷം വീട്ടില്‍ ഉണ്ടായ മാറ്റങ്ങളെക്കുറിച്ചുമെല്ലാം സംസാരിക്കുകയാണ് ദിയ.
ദിയയുടെ വാക്കുകള്‍……
”അമ്മുവിനായാലും (അഹാന) ഇഷാനിക്കായാലും ഹന്‍സികയ്ക്കായാലും ഓമിയെ എടുക്കാനും അവന്റെ കൂടെ ഇരിക്കാനുമൊക്കെ വലിയ ഇഷ്ടമാണ്. ഞാന്‍ ഒന്ന് എടുത്തോട്ടെ എന്ന് എല്ലാവരും വന്ന് ചോദിക്കും. കൂടുതല്‍ കെയര്‍ ചെയ്യുന്നത് ചിലപ്പോള്‍ അമ്മു ആയിരിക്കും. കാരണം അമ്മു എന്നേക്കാള്‍ മൂത്തതാണല്ലോ, അതിന്റെ പക്വതയുമുണ്ട്. അവനെ കുളിപ്പിക്കുന്നതു കാണണം, അവന്റെ ഫോട്ടോ എടുക്കണം എന്നൊക്കെ ഇടയ്ക്കിടയ്ക്ക് പറയും. ബാക്കി രണ്ടു പേര്‍ക്കും കെയറിങ്ങിനേക്കാള്‍ എക്‌സൈറ്റ്‌മെന്റ് ആണ്. അവര്‍ എന്നെക്കാള്‍ ഇളയതായതു കൊണ്ടായിരിക്കും”.
”രാത്രിയില്‍ ഉറങ്ങാന്‍ കഴിയാറില്ല. ബേബി ഉറങ്ങുമ്പോള്‍ ആണ് എന്റെയും ഉറക്കം. ആശുപത്രിയില്‍ നിന്നും വീട്ടില്‍ എത്തിയപ്പോള്‍ എനിക്ക് നല്ല വേദന ആയിരുന്നു, ഇരിക്കാന്‍ പോലും കഴിയാതെ ആറോളം സ്റ്റിച്ചുകള്‍ ഉണ്ടായിരുന്നു. എന്നാല്‍ ഇപ്പോള്‍ ശരിയായി”.
