അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിരവധി സിനിമകളില്‍ നായിക വേഷം ചെയ്ത നടിയാണ് ഇഷ കോപികര്‍. ഹിന്ദി,തെലുങ്ക്,തമിഴ് എന്നീ ഭാഷകളിലും ഇഷ അഭിനയിച്ചിട്ടുണ്ട്. ഇപ്പോഴിതാ ചന്ദ്രലേഖ എന്ന സിനിമയുടെ ചിത്രീകരണത്തിനിടെയുണ്ടായ ഓര്‍മകള്‍ പങ്കുവച്ചിരിക്കുകയാണ് നടി. ചിത്രത്തിലെ ഒരു സീനില്‍ നാഗാര്‍ജുന നടിയെ അടിക്കുന്ന സീനുണ്ടായിരുന്നു എന്നാല്‍ പല തവണ ടേക്ക് പോകേണ്ടി വന്നതിനാല്‍ 14 തവണ നാഗാര്‍ജുനയില്‍ നിന്ന് അടി വാങ്ങേണ്ടി വന്നുവെന്നും പിങ്ക് വില്ലയ്ക്ക് നല്‍കിയ അഭിമുഖത്തില്‍ നടി പറഞ്ഞു.
ഇഷയുടെ വാക്കുകള്‍….
‘ചന്ദ്രലേഖ എന്ന സിനിമയുടെ സെറ്റില്‍ വെച്ചായിരുന്നു സംഭവം. അത് എന്റെ രണ്ടാമത്തെ സിനിമ ആയിരുന്നു. ചിത്രത്തില്‍ നാഗാര്‍ജുന എന്നെ അടിക്കുന്ന ഒരു രംഗമുണ്ട്. ഞാന്‍ അദ്ദേഹത്തോട് എന്നെ ശരിക്കും അടിക്കാന്‍ പറഞ്ഞു. ഓക്കെ ആണോ എന്ന് ആദ്യം അദ്ദേഹം എന്നോട് ചോദിച്ചു. പക്ഷെ എനിക്ക് അടി കിട്ടുമ്പോഴുള്ള ആ ഇമോഷന്‍ ശരിക്കും ഫീല്‍ ചെയ്തു അഭിനയിക്കണം എന്നുണ്ടായിരുന്നു. ആദ്യം വളരെ ചെറുതായിട്ടാണ് അദ്ദേഹം അടിച്ചത്. അതുകൊണ്ട് തന്നെ എനിക്ക് ഒന്നും തോന്നിയില്ല.
എനിക്ക് ഒരു പ്രശ്‌നമുണ്ട്, യഥാര്‍ത്ഥ ജീവിതത്തില്‍ എനിക്ക് ദേഷ്യപ്പെടാന്‍ കഴിയും, പക്ഷേ ക്യാമറയ്ക്ക് മുന്നില്‍ എനിക്ക് ദേഷ്യപ്പെടാന്‍ കഴിയില്ല. അത് എന്തുകൊണ്ടെന്ന് എനിക്കറിയില്ല. ഈ ഒരു പ്രശ്‌നം കൊണ്ട് നാഗാര്‍ജുനയ്ക്ക് എന്നെ 14 തവണ അടിക്കേണ്ടി വന്നു. അവസാനമായപ്പോഴേക്കും മുഖത്ത് പാടുകള്‍ വീണു. ആ രംഗത്തിന് ശേഷം നാഗാര്‍ജുന എന്നോട് വന്നു ക്ഷമ ചോദിച്ചു. പക്ഷെ അത് എന്റെ ആവശ്യപ്രകാരം ചെയ്ത സീന്‍ ആയതിനാല്‍ ഞാന്‍ അദ്ദേഹത്തിനോട് കുഴപ്പമില്ല എന്ന് പറഞ്ഞു’.
മോഹന്‍ലാലിനെ നായകനാക്കി പ്രിയദര്‍ശന്‍ ഒരുക്കിയ ചന്ദ്രലേഖ എന്ന സിനിമയുടെ റീമേക്ക് ആണ് ഈ നാഗാര്‍ജുന ചിത്രം. രമ്യ കൃഷ്ണന്‍, ശ്രീകാന്ത്, എം എസ് നാരായണ തുടങ്ങി നിരവധി താരങ്ങള്‍ ഈ തെലുങ്കില്‍ റീമേക്കില്‍ അണിനിരന്നു. ചിത്രം ബോക്‌സ് ഓഫീസില്‍ വിജയമായിരുന്നു.
