അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രാഷ്ട്രപതി ഭവനിലേക്ക് സംവിധായകൻ തരുൺ മൂർത്തിക്ക് ക്ഷണം. ക്ഷണക്കത്ത് രാഷ്ട്രപതി ദ്രൗപതി മുർമുവാണ് തരുൺ മൂർത്തിക്ക് നേരിട്ട് അയച്ചത്. സംവിധായകൻ ഈ സന്തോഷം സോഷ്യൽ മീഡിയയിലൂടെ പങ്കിടുകയും ചെയ്‌തു. ഓഗസ്റ്റ് 15 സ്വാതന്ത്ര്യദിനത്തോടനുബന്ധിച്ച് രാഷ്ട്രപതി ഭവനിൽ നടക്കുന്ന ചടങ്ങിൽ പങ്കെടുക്കാനാണ് തരുൺ മൂർത്തിക്ക് ക്ഷണം ലഭിച്ചിരിക്കുന്നത്.
സ്വാതന്ത്ര്യദിനത്തിൽ രാഷ്ട്രപതി ഭവനിൽ നടക്കുന്ന പരിപാടിയിൽ പങ്കെടുക്കാൻ ക്ഷണം ലഭിച്ചത് ഒരു ബഹുമതിയാണ് എന്ന കുറിപ്പോടെ രാഷ്ട്രപതിയുടെ ക്ഷണക്കത്ത് തരുൺ മൂർത്തി സോഷ്യൽ മീഡിയയിൽ പങ്കുവച്ചു.‘നമ്മുടെ സ്വാതന്ത്ര്യദിനത്തിൽ രാഷ്ട്രപതി ഭവനിൽ നടക്കുന്ന ‘അറ്റ്-ഹോം റിസപ്ഷനിലേക്ക്’ ബഹുമാനപ്പെട്ട പ്രസിഡന്റ് ശ്രീമതി ദ്രൗപതി മുർമു എന്നെ ക്ഷണിച്ചത് ഒരു ബഹുമതിയായി കരുതുന്നു’, തരുൺ മൂർത്തി കുറിച്ചു.
സ്വാതന്ത്ര്യദിനത്തിൽ രാഷ്ട്രപതി ഭവനിൽ നടക്കുന്ന ‘അറ്റ് ഹോം റിസപ്‌ഷൻ’ എന്ന പരിപാടിയിൽ പങ്കെടുക്കാനാണ് രാഷ്ട്രപതി തരുൺ മൂർത്തിയെ ക്ഷണിച്ചിരിക്കുന്നത്. രാഷ്ട്രപതി ഭവനിലേക്ക് തരുൺ മൂർത്തിക്ക് ക്ഷണം ലഭിച്ച വിവരമറിഞ്ഞ് നിരവധി പേരാണ് സന്തോഷം പങ്കുവച്ചെത്തുന്നത്. ഇതൊരു അഭിമാനകരമായ നിമിഷം എന്നാണ് പലരും കമന്റ്റ് ചെയ്യുന്നത്. തരുൺ മൂർത്തി നൂറു ശതമാനം ‘തുടരും’ എന്നും ചിലർ കുറിച്ചു.
