അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ലാല്‍ ജൂനിയറിന്റെ സംവിധാനത്തില്‍ എത്തിയ ചിത്രമാണ് നടികര്‍. തിത്രത്തില്‍ നായക കഥാപാത്രമായെത്തിയത് ടൊവിനോ തോമസ് ആണ്. ഇപ്പോഴിതാ റിലീസ് ചെയ്ത് ഒരു വര്‍ഷത്തിനിപ്പുറം നടികര്‍ ഒടിടിയില്‍ എത്താന്‍ ഒരുങ്ങുകയാണ്. ഒടിടി സ്ട്രീമിങ്ങിന്റെ ഔദ്യോഗിക വിവരങ്ങളും പുറത്തുവന്നിട്ടുണ്ട്.
സൈന പ്ലേയ്ക്ക് ആണ് നടികര്‍ സ്ട്രീമിംഗ് ചെയ്യാനുള്ള അവകാശം. ഓഗസ്റ്റ് 8 മുതല്‍ ടൊവിനോ തോമസ് ചിത്രം ഒടിടിയില്‍ കാണാം. റിലീസ് ചെയ്ത് 15 മാസത്തിന് ശേഷമാണ് നടികര്‍ ഇപ്പോള്‍ ഒടിടിയില്‍ എത്തുന്നത് എന്നതും ശ്രദ്ധേയമാണ്.
ടൊവിനോ തോമസിന് ഒപ്പം ഭാവനയാണ് നായിക കഥാപാത്രത്തെ അവതരിപ്പിച്ചത്. ഇരുവരും ഒന്നിച്ച ആദ്യ ചിത്രം കൂടിയാണ് നടികര്‍. ദിവ്യ പിള്ള, സൗബിന്‍ ഷാഹിര്‍, ബാലു വര്‍ഗീസ്, സുരേഷ് കൃഷ്ണ തുടങ്ങിയവരും മറ്റ് പ്രധാന വേഷത്തില്‍ എത്തിയ ചിത്രം 2024ല്‍ ആയിരുന്നു തിയറ്ററുകളില്‍ എത്തിയത്. സിനിമയ്ക്കുള്ളിലെ സിനിമയുടെ കഥ പറഞ്ഞ ചിത്രത്തിലെ ടൊവിനോയുടെ വ്യത്യസ്ത ഗെറ്റപ്പുകള്‍ ഏറെ ശ്രദ്ധനേടിയിരുന്നു. റിപ്പോര്‍ട്ടുകള്‍ പ്രകാരം 40 കോടി രൂപ മുടക്കി നിര്‍മിച്ച നടികര്‍ക്ക് സമ്മിശ്ര പ്രതികരണമാണ് തിയറ്ററുകളില്‍ നിന്നും ലഭിച്ചത്.
