അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വിജയ് ദേവരകൊണ്ടയെ നായകനാക്കി ഗൗതം തന്നൂരി സംവിധാനം ചെയ്ത ചിത്രമാണ് കിങ്ഡം. സമ്മിശ്ര പ്രതികരണമാണ് സിനിമയ്ക്ക് ലഭിക്കുന്നത്. അതേസമയം, ബോക്‌സ് ഓഫീസില്‍ കളക്ഷന്‍ നേടുന്നതില്‍ ചിത്രം മുന്നിലാണ്. കേരളത്തിലും ചലനമുണ്ടാക്കാന്‍ സിനിമയ്ക്ക് സാധിക്കുന്നുണ്ട്.
പുറത്തിറങ്ങി നാല് ദിവസങ്ങള്‍ പിന്നിടുമ്പോള്‍ ഒന്നര കോടിയ്ക്കും മുകളിലാണ് കിങ്ഡത്തിന്റെ കേരളത്തില്‍ നിന്നുള്ള ഗ്രോസ് കളക്ഷന്‍. സിനിമയുടെ തമിഴ്, തെലുങ്ക് പതിപ്പുകളാണ് കേരളത്തില്‍ പുറത്തുവന്നത്. ദുല്‍ഖറിന്റെ ഉടമസ്ഥതയിലുള്ള വേഫേറര്‍ ഫിലിംസ് ആണ് ചിത്രം കേരളത്തില്‍ എത്തിച്ചത്. മലയാളം പതിപ്പ് കേരളത്തില്‍ പുറത്തിറങ്ങാതെ ഇരുന്നിട്ടും ചിത്രത്തിന് കേരളത്തില്‍ കാര്യമായ നേട്ടമുണ്ടാക്കാനായി എന്നാണ് ട്രേഡ് അനലിസ്റ്റുകളുടെ കണക്കുകൂട്ടല്‍.
ആദ്യ ദിനം കിങ്ഡം കേരളത്തില്‍ നിന്ന് 50 ലക്ഷം കളക്ഷന്‍ നേടിയെന്നാണ് ട്വിറ്റര്‍ ട്രാക്കര്‍മാര്‍ റിപ്പോര്‍ട്ട് ചെയ്തത്. ചിത്രം ആഗോള ബോക്‌സ് ഓഫീസില്‍ നിന്ന് ഇതുവരെ 67 കോടി നേടിയതായാണ് നിര്‍മാതാക്കള്‍ പുറത്തുവിട്ട കണക്കുകള്‍ സൂചിപ്പിക്കുന്നത്.
#Kingdom is eyeing a ₹1.5+ Cr gross in Kerala for its opening weekend 👏
Good number despite mixed reviews and no Malayalam version!#VijayDeveeakonda has a good fan following in Kerala & with a super positive film, he can definitely score big here.@TheDeverakonda pic.twitter.com/NmoDBskcSr
— AB George (@AbGeorge_) August 3, 2025
സിനിമയുടെ തമിഴ് പതിപ്പിനും നല്ല അഭിപ്രായങ്ങളാണ് വരുന്നത്. ആഗോള തലത്തില്‍ നിന്നും 15 കോടിയാണ് ഈ വിജയ് ദേവരകൊണ്ട ചിത്രം പ്രീ സെയില്‍ വഴി നേടിയത്. ഇത് തെലുങ്കിലെ ടൈര്‍ 2 താരങ്ങളിലെ ഏറ്റവും ഉയര്‍ന്ന രണ്ടാമത്തെ കളക്ഷന്‍ ആണ്. മലയാളി നടന്‍ വെങ്കിടേഷും സിനിമയില്‍ ഒരു പ്രധാന കഥാപാത്രമായി എത്തുന്നുണ്ട്. തമിഴിലും തെലുങ്കിലുമാണ് ചിത്രം പുറത്തിറങ്ങിയത്.
