അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രജനികാന്തിനെ നായകനാക്കി ലോകേഷ് കനകരാജ് സംവിധാനം ചെയ്യുന്ന ചിത്രമാണ് കൂലി. ചിത്രത്തിന് മേല്‍ വലിയ പ്രതീക്ഷയാണ് ആരാധകര്‍ക്കുള്ളത്. സിനിമയ്ക്ക് സംഗീതം ഒരുക്കുന്നത് അനിരുദ്ധ് രവിചന്ദര്‍ ആണ്. താന്‍ ചെയ്യുന്ന സിനിമകളുടെ റിലീസ് സമയത്ത് ഇമോജികളിലൂടെ സിനിമയുടെ റിവ്യൂ അനിരുദ്ധ് നല്‍കാറുണ്ടായിരുന്നു. ഇത് തനിക്ക് തിരിച്ചടി ആയെന്നും താന്‍ നല്‍കുന്ന ഇമോജികള്‍ കാരണം ആരാധകര്‍ അമിതമായി പ്രതീക്ഷിക്കുന്നുവെന്നും അനിരുദ്ധ് പറഞ്ഞു. കൂലിയുടെ പ്രമോഷന്‍ ഭാഗമായി സണ്‍ പിക്‌ചേഴ്‌സിന് നല്‍കിയ അഭിമുഖത്തിലാണ് പ്രതികരണം.
അനിരുദ്ധിന്റെ വാക്കുകള്‍……
‘ഞാന്‍ ഫയര്‍ ഇമോജി ഇടുന്നത് നിര്‍ത്തി. ഞാന്‍ പാട്ട് ചെയ്യുന്ന പല സിനിമകളും പരാജയപ്പട്ടേക്കാം.അത് എനിക്കറിയാം, അതുകൊണ്ട് ഇമോജി ഇട്ടാല്‍ അത് തെറ്റാകും. എനിക്ക് ശരിക്കും ഒരു ഫീല്‍ തോന്നിയപ്പോഴാണ് ജയിലറില്‍ ഞാന്‍ ഇമോജി ഇട്ടത്. എനിക്ക് അത്രയും ആത്മവിശ്വാസം ഉണ്ടായിട്ടാണ് പോസ്റ്റ് ചെയ്തത്. പക്ഷേ എല്ലാ സിനിമകള്‍ക്കും ഫയര്‍ ഇമോജി ഇടേണ്ടി വരുന്നത് തിരിച്ചടിയായി. കാരണം ആളുകളില്‍ അത് വലിയ രീതിയിലുള്ള പ്രതീക്ഷ നല്‍കുന്നുണ്ട്. പക്ഷേ കൂലി മികച്ച ചിത്രമാണ്. അതുകൊണ്ട് ഞാന്‍ ഇതാ ഇവിടെ ഇപ്പോള്‍ ഒരു ഫയര്‍ ഇമോജി നല്‍കുന്നു’.
"I stopped putting emoji's. I know many films will fail, if I put emoji for that, it'll be wrong🤞. For #Jailer i really felt & posted, but it backfired me to put for all films🙁. But #Coolie came out superb, I'm giving Fire emoji here🔥"
– #Anirudh https://t.co/lX0aR41PMN— AmuthaBharathi (@CinemaWithAB) August 5, 2025
അതേസമയം, ആഗസ്റ്റ് 14 ന് കൂലി ലോകമെമ്പാടുമുള്ള തിയേറ്ററുകളില്‍ എത്തും. രജനികാന്തും ലോകേഷ് കനകരാജും ആദ്യമായി ഒന്നിക്കുന്ന ചിത്രമാണ് കൂലി. സണ്‍ പിക്‌ചേഴ്‌സിന്റെ ബാനറില്‍ കലാനിധി മാരനാണ് കൂലിയുടെ നിര്‍മ്മാണം. നേരത്തെ ചിത്രത്തില്‍ അതിഥി താരമായി ബോളിവുഡ് താരം ആമിര്‍ ഖാനും എത്തുന്നുണ്ട്.
