അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബോളിവുഡില്‍ ഏറെ ആരാധകരുളള നടനാണ് ജോണ്‍ എബ്രഹാം. വില്ലനായും നായകനും പ്രേക്ഷ പ്രീതി നേടിയ നടനാണ് ജോണ്‍ എബ്രഹാം. ഇപ്പാഴിതാ
ഇന്ത്യന്‍ സിനിമാ ലോകത്ത് ഏറ്റവും മികച്ച സിനിമകള്‍ ഉണ്ടാകുന്നത് മലയാളത്തിലാണെന്ന് തുറന്നുപറഞ്ഞിരിക്കുകയാണ് നടന്‍ . അടുത്തിടെ നല്‍കിയ ഒരു അഭിമുഖത്തില്‍ ആണ് താരം ഇക്കാര്യം പറഞ്ഞത്. താരത്തിന്റെ വാക്കുകള്‍ സോഷ്യല്‍ മീഡിയയില്‍ വൈറലായിരിക്കുകയാണ്.
ജോണ്‍ എബ്രഹാമിന്റെ വാക്കുകള്‍…..
‘ഇന്ത്യയില്‍ ഏറ്റവും നല്ല സിനിമകള്‍ ഉണ്ടാകുന്നത് കേരളത്തിലാണ്. അവിടുത്തെ സിനിമകള്‍ക്ക് അതിന്റേതായ നിലവാരമുണ്ട്. കഥകള്‍ അവതരിപ്പിക്കുന്ന രീതിയും വളരെ വ്യത്യസ്തമാണ്.
സംസാരത്തിനിടയില്‍ പ്രത്യേകിച്ച് മമ്മൂട്ടിയുടെ ഒരു കഥാപാത്രത്തെക്കുറിച്ച് അദ്ദേഹം എടുത്ത് സംസാരിച്ചു. ‘ഒരു രാഷ്ട്രീയക്കാരനായി അഭിനയിച്ച ശേഷം, ആ കഥാപാത്രം ഒരു സ്വവര്‍ഗാനുരാഗിയാണെന്ന് സിനിമയിലൂടെ വെളിപ്പെടുത്തുമ്പോള്‍, അതൊരു ധീരമായ കഥാപാത്രമാണ്. അങ്ങനെയൊരു കഥാപാത്രം ചെയ്യുന്നത് വളരെ ധീരമായ കാര്യവുമാണ്’.
മലയാളത്തിലെ കഥാകാരന്മാരെയും തിരക്കഥാകൃത്തുക്കളെയും പ്രശംസിച്ച ജോണ്‍ എബ്രഹാം, കൂടുതല്‍ മലയാള സിനിമകള്‍ നിര്‍മ്മിക്കുവാനും അതുപോലെതന്നെ മറ്റ് ഭാഷകളിലേക്ക് എത്തിക്കുവാനും തനിക്ക് താല്പര്യമുണ്ടെന്ന് പറഞ്ഞു.
‘മോഹന്‍ലാല്‍ ഒരു മികച്ച നടനാണ്. അദ്ദേഹത്തിന്റെ അഭിനയം എന്നെ അതിശയിപ്പിക്കാറുണ്ട്. അവിശ്വസനീയമാണ് അദ്ദേഹത്തിന്റെ അഭിനയം’.
