അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ന് (ആഗസ്റ്റ് 10ന്) കേരള ദേവസ്വം റിക്രൂട്ട്മെന്റ് ബോർഡ് തൃശൂർ ജില്ലയിലെ വിവിധ പരീക്ഷാകേന്ദ്രങ്ങളിൽ നടത്താൻ നിശ്ചയിച്ചിരുന്ന പരീക്ഷകളിൽ മാറ്റം. കേരള ദേവസ്വം റിക്രൂട്ട്മെന്റ് ബോർഡ് തൃശൂരിലെ വിവിധ പരീക്ഷാകേന്ദ്രങ്ങളിൽ നടത്താൻ നിശ്ചയിച്ചിരുന്ന ഗുരുവായൂർ ദേവസ്വത്തിലെ ഹെൽപ്പർ (കാറ്റഗറി നം. 02/2025), അസിസ്റ്റന്റ് ലൈൻമാൻ (കാറ്റഗറി നം. 12/2025) തസ്തികകളിലേക്കുള്ള പൊതു പരീക്ഷയിൽ ആണ് മാറ്റം. ചില സാങ്കേതിക കാരണങ്ങളാൽ, ഓഗസ്റ്റ് 10-ന് ഉച്ചയ്ക്ക് 1:30 മുതൽ 3:15 വരെ നടത്താനിരുന്ന പൊതുപരീക്ഷ അസിസ്റ്റന്റ് ലൈൻമാൻ (കാറ്റഗറി നം. 12/2025) തസ്തികയിലേക്ക് അപേക്ഷിച്ച ഉദ്യോഗാർത്ഥികൾക്ക് മാത്രമായി പരിമിതപ്പെടുത്തി. ഹെൽപ്പർ (കാറ്റഗറി നം. 02/2025) തസ്തികയിലേക്ക് അപേക്ഷിച്ച ഉദ്യോഗാർത്ഥികൾ ഓഗസ്റ്റ് 10-ന് നടക്കുന്ന പരീക്ഷയിൽ പങ്കെടുക്കേണ്ടതില്ല. പുതുക്കിയ പരീക്ഷാ തീയതി പിന്നീട് അറിയിക്കും. വിവരങ്ങൾക്കായി www.kdrb.kerala.gov.in.
