അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നടി ഗോപിക അനില്‍ പ്രധാന കഥാപാത്രത്തില്‍ എത്തിയ ഏറ്റവും പുതിയ ചിത്രമാണ് സുമതിവളവ്. ഇപ്പോഴിതാ ചിത്രം കണ്ടതിനു ശേഷം മിനിസ്‌ക്രീന്‍ താരവും ഗോപികയുടെ അടുത്ത സുഹൃത്തുക്കളില്‍ ഒരാളുമായ സ്വപ്‌ന ട്രീസ പങ്കുവെച്ച പോസ്റ്റും ശ്രദ്ധ നേടുകയാണ്. ഗോപിയ്‌ക്കൊപ്പമുള്ള ചിത്രം പങ്കുവെച്ചുകൊണ്ടാണ് സ്വപ്‌നയുടെ പോസ്റ്റ്.
കുറിപ്പിന്റെ പൂര്‍ണരൂപം…..
”നിന്നെയോര്‍ത്ത് ഞാന്‍ എത്രയധികം അഭിമാനിക്കുന്നുവെന്ന് പറഞ്ഞറിയിക്കാന്‍ സാധിക്കില്ല ഗോപൂ. നിന്റെ സ്വപ്നങ്ങള്‍ സാക്ഷാത്കരിക്കപ്പെടുന്നതു കാണുന്നതും നിന്നെ ബിഗ് സ്‌ക്രീനില്‍ കാണുന്നതുമെല്ലാം സന്തോഷമാണ്. ഇതെല്ലാം നീ അര്‍ഹിക്കുന്നതാണ്, ഇതിനപ്പുറവും. സിനിമയുടെ പിന്നില്‍ പ്രവര്‍ത്തിച്ച എല്ലാവര്‍ക്കും അഭിനന്ദനങ്ങള്‍”.
ശ്രീ ഗോകുലം ഗോപാലന്റെ ശ്രീ ഗോകുലം മൂവീസ്, മുരളി കുന്നുംപുറത്തിന്റെ വാട്ടര്‍മാന്‍ ഫിലിംസ് എന്നിവര്‍ ചേര്‍ന്ന് നിര്‍മിച്ച ചിത്രമാണ് സുമതി വളവ്. വിഷ്ണു ശശിശങ്കര്‍ സംവിധാനം ചെയ്ത ചിത്രത്തിന് തിരക്കഥ ഒരുക്കിയത് അഭിലാഷ് പിള്ളയാണ്.
അര്‍ജുന്‍ അശോകന്‍, ബാലു വര്‍ഗീസ്, ഗോകുല്‍ സുരേഷ്, സൈജു കുറുപ്പ്, സിദ്ധാര്‍ഥ് ഭരതന്‍, ശ്രാവണ്‍ മുകേഷ്, നന്ദു, മനോജ് കെയു, ശ്രീജിത്ത് രവി, ബോബി കുര്യന്‍, അഭിലാഷ് പിള്ള, ശ്രീപഥ് യാന്‍, ജയകൃഷ്ണന്‍, കോട്ടയം രമേശ്, സുമേഷ് ചന്ദ്രന്‍, ചെമ്പില്‍ അശോകന്‍, വിജയകുമാര്‍, ശിവ അജയന്‍, റാഫി, മനോജ് കുമാര്‍, മാസ്റ്റര്‍ അനിരുദ്ധ്, മാളവിക മനോജ്, ജൂഹി ജയകുമാര്‍, ഗോപിക അനില്‍, ശിവദ, സിജ റോസ്, ദേവനന്ദ, ജെസ്നിയ ജയദീഷ്, സ്മിനു സിജോ, ഗീതി സംഗീത, അശ്വതി അഭിലാഷ് എന്നിവരാണ് ചിത്രത്തില്‍ പ്രധാന വേഷങ്ങളില്‍ എത്തിയത്.
