അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തമിഴിലെ സൂപ്പര്‍ താരങ്ങളുടെ നായികയായി ബിഗ് സ്‌ക്രീനില്‍ ശ്രദ്ധ നേടിയ നടിയാണ് പൂജ ഹെഗ്ഡെ. വളരെ ചുരുങ്ങിയ സമയം കൊണ്ട് പ്രേക്ഷക ശ്രദ്ധ നേടിയ താരം കൂടിയാണ് പൂജ. കൂലിയിലെ മോണിക്ക എന്ന ഗാനത്തിലൂടെ പാന്‍ ഇന്ത്യന്‍ ലെവില്‍ വരെ പൂജ ശ്രദ്ധ നേടിയിരിക്കുകയാണ്. ഇപ്പോഴിതാ നോര്‍ത്തില്‍ ഫിലിംമേക്കേഴ്സ് തന്നെ ഗ്ലാമറസ് റോളുകളിലേക്ക് ടൈപ്പ്കാസ്റ്റ് ചെയ്യുകയാണെന്നും സൗത്തില്‍ താന്‍ ചെയ്യുന്ന സിനിമകളെക്കുറിച്ച് നോര്‍ത്തിലെ സംവിധായകര്‍ക്ക് അറിയില്ലെന്നും പൂജ ഹെഗ്ഡെ പറഞ്ഞു. ഒപ്പം റെട്രോയിലെ രുക്മിണി എന്ന വേഷം തനിക്ക് നല്‍കിയതിന് സംവിധായകന്‍ കാര്‍ത്തിക് സുബ്ബരാജിനും നടി നന്ദിയും അറിയിച്ചു.
പൂജ ഹെഗ്‌ഡെയുടെ വാക്കുകള്‍…….
‘നോര്‍ത്ത് ഇന്ത്യയിലെ ഫിലിംമേക്കേഴ്സ് എന്നെ പലപ്പോഴും ഗ്ലാമറസ് റോളുകള്‍ക്ക് മാത്രമാണ് വിളിക്കുന്നത്. സൗത്തില്‍ ഞാന്‍ ചെയ്യുന്ന റോളുകളെക്കുറിച്ച് അവര്‍ക്ക് അറിയില്ല. സിനിമയില്‍ നിങ്ങള്‍ ടൈപ്പ്കാസ്റ്റ് ചെയ്യപ്പെടുക സാധാരണമാണ്. അതുകൊണ്ടാണ് പല തരത്തിലുള്ള വേഷങ്ങള്‍ ചെയ്ത് അത് ബ്രേക്ക് ചെയ്യാന്‍ ഞാന്‍ ശ്രമിക്കുന്നത്. അതിന്റെ എല്ലാ ക്രെഡിറ്റും കാര്‍ത്തിക് സുബ്ബരാജ് സാറിനാണ്. രുക്മിണി എന്ന കഥാപാത്രം എന്നെ കൊണ്ട് ചെയ്യാന്‍ സാധിക്കുമെന്ന് എന്നേക്കാള്‍ ആദ്യം അദ്ദേഹം വിശ്വസിച്ചു. രാധേ ശ്യാം കണ്ടിട്ടാണ് എന്നെ റെട്രോയിലേക്ക് വിളിച്ചതെന്ന് അറിഞ്ഞപ്പോള്‍ ഞാന്‍ അത്ഭുതപ്പെട്ടു. വളരെ വിഷന്‍ ഉള്ള ഒരു ഫിലിംമേക്കറിന് മാത്രമേ അങ്ങനെ കാണാന്‍ കഴിയൂ’.
കാര്‍ത്തിക് സുബ്ബരാജ് ഒരുക്കിയ റെട്രോയില്‍ സൂര്യക്കൊപ്പം മികച്ച ഒരു കഥാപാത്രത്തെ ആയിരുന്നു നടി അവതരിപ്പിച്ചത്. ചിത്രത്തിലെ നടിയുടെ പ്രകടനം ഏറെ ശ്രദ്ധ നേടിയിരുന്നു. ലോകേഷ് കനകരാജ് ഒരുക്കുന്ന കൂലിയാണ് ഇനി പുറത്തിറങ്ങാനുള്ള പൂജ ഹെഗ്ഡെ ചിത്രം. ചിത്രം ആഗസ്റ്റ് 14 ന് തിയേറ്ററിലെത്തും.
