അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.എഎംഎംഎയെ നയിക്കാന്‍ ഒരു അവസരം നല്‍കണമെന്നും ഒരുപാട് കാര്യങ്ങള്‍ ചെയ്യണമെന്ന് സ്വപ്നമുണ്ടെന്നും ശ്വേത മേനോന്‍. എല്ലാവരും ഒന്നിച്ച് മുന്നോട്ട് പോകുമെന്നും ശ്വേത മേനോന്‍ പറഞ്ഞു. സംഘടനയുടെ അധ്യക്ഷസ്ഥാനത്തേക്കാണ് ശ്വേതാ മേനോന്‍ മത്സരിക്കുന്നത്.
ശ്വേതാമേനോന്റെ വാക്കുകള്‍…..
‘ഇത് ഒത്തൊരുമയുടെ സ്വാതന്ത്ര്യദിനമാകട്ടെ. ആദ്യ ചിത്രം അനശ്വരം റിലീസ് ചെയ്തിട്ട് 33 വര്‍ഷമായി. പ്രൊഫഷണല്‍ സ്വാതന്ത്ര്യത്തെ അടയാളപ്പെടുത്തിയ ദിവസമാണിന്ന്. A.M.M.A യില്‍ ഒരുപാട് കാര്യങ്ങള്‍ ചെയ്യണമെന്ന സ്വപ്നമുണ്ട്. A.M.M.A കുടുംബത്തിലെ എല്ലാവരും ആ സ്വപ്നമുള്ളവരാണ്. A.M.M.A യെ നയിക്കാന്‍ ഒരു അവസരം തരിക, ഒരുമിച്ച് മുന്നോട്ടു പോകും’.
മലയാള സിനിമയിലെ താര സംഘടയായ എഎംഎംഎയുടെ പുതിയ ഭാരവാഹികളെ കണ്ടെത്താനുള്ള തെരഞ്ഞെടുപ്പ് പുരോഗമിക്കുകയാണ്. വിവാദങ്ങള്‍ക്കും വാക്കു തര്‍ക്കങ്ങള്‍ക്കും ഒടുവില്‍ ഇന്ന് പുതിയ ഭാരവാഹികളെ തിരഞ്ഞെടുക്കും. വോട്ടെടുപ്പ് രാവിലെ പത്തു മണിക്ക് ആരംഭിച്ചു. ഉച്ചയ്ക്ക് ഒരുമണി വരെയാണ് പോളിങ് സമയം. വൈകുന്നേരത്തോടെ വോട്ടെണ്ണല്‍ പൂര്‍ത്തിയായി പുതിയ കമ്മിറ്റിയെ പ്രഖ്യാപിക്കും.
അധ്യക്ഷസ്ഥാനത്തേക്ക് ശ്വേതാമേനോനും ദേവനും തമ്മിലാണ് മത്സരം. ജനറല്‍ സെക്രട്ടറി സ്ഥാനത്തേക്ക് കുക്കുപരമേശ്വരനുംരവീന്ദ്രനും തമ്മില്‍ മത്സരം നടക്കും. ജോ. സെക്രട്ടറി സ്ഥാനത്തേക്ക് അന്‍സിബ ഹസ്സന്‍ നേരത്തെ തിരഞ്ഞെടുക്കപ്പെട്ടിരുന്നു. ജയന്‍ ചേര്‍ത്തല, ലക്ഷ്മിപ്രിയ, നാസര്‍ ലത്തീഫ് എന്നിവരാണ് വൈസ് പ്രസിഡന്റുമാരുടെ സ്ഥാനത്തേക്ക് മത്സരിക്കുന്നത്. രണ്ട് വൈസ് പ്രസിഡന്റുമാരെയാണ് തിരഞ്ഞെടുക്കുന്നത്.
