അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബിഗ്‌ബോസ് സീസണ്‍ 7 ല്‍ നിന്നും കഴിഞ്ഞ എപ്പിസോഡില്‍ എവിക്ട് ആയ വ്യക്തിയാണ് ആര്‍ജെ വിന്‍സി. എവിക്ഷന്‍ പ്രഖ്യാപനം വന്നപ്പോള്‍ ബിന്‍സി ഏറ്റവും വൈകാരികമായി യാത്ര പറഞ്ഞത് അപ്പാനി ശരത്തിനോട് ആയിരുന്നു. ഇപ്പോഴിതാ തന്നേയും അപ്പാനി ശരത്തിനേയും ചേര്‍ത്തുള്ള വിവാദങ്ങള്‍ക്കെല്ലാം മറുപടി പറയുകയാണ് ആര്‍ജെ ബിന്‍സി. മൈല്‍ സ്റ്റോണ്‍ മേക്കേഴ്‌സിന് നല്‍കിയ അഭിമുഖത്തിലായിരുന്നു ബിന്‍സിയുടെ പ്രതികരണം.
ബിന്‍സിയുടെ വാക്കുകള്‍…..
”പുറത്തിറങ്ങുന്നതിന് മൂന്ന് ദിവസം മുന്‍പാണ് അക്ബര്‍-അപ്പാനി കൂട്ടുകെട്ടിലേക്ക് ഞാന്‍ എത്തുന്നത്. അവിടെ എല്ലാവരോടും ഞാന്‍ സംസാരിക്കുമായിരുന്നു. പേഴ്‌സണല്‍ ഫേവറിറ്റ് എന്നു പറയാന്‍ എനിക്കവിടെ ആരുമില്ല. എന്റെ അപ്പനില്‍ നിന്നും ചേട്ടനില്‍ നിന്നുമൊക്കെ കിട്ടുന്ന വൈബ് ആണ് എനിക്ക് അപ്പാനിയില്‍ നിന്നും കിട്ടിയത്. ചാച്ചാ എന്നാണ് ഞാന്‍ വിളിച്ചിരുന്നത്. ശരത്തേട്ടനെ ഹഗ് ചെയ്തശേഷം കപ്പ് അടിച്ചിട്ട് വരണമെന്നാണ് ഞാന്‍ ചെവിയില്‍ പറഞ്ഞത്. ഹൗസിനുള്ളിലും എന്നോട് കൂടുതലും അദ്ദേഹം ഭാര്യയുടെ കാര്യമാണ് സംസാരിച്ചിരുന്നത്.
മറ്റുള്ളവര്‍ കണ്ടന്റിന് വേണ്ടി പറഞ്ഞതിന് എനിക്ക് എന്തു ചെയ്യാന്‍ പറ്റും. ഞാന്‍ അവിടെ ഉണ്ടായിരുന്ന സമയത്താണ് പറഞ്ഞതെങ്കില്‍ അതിന് എനിക്ക് മറുപടി കൊടുക്കാമായിരുന്നു. ഉള്ള സമയത്ത് അവിടെ ഒന്നും സംഭവിച്ചിട്ടില്ല. ഇറങ്ങിക്കഴിഞ്ഞപ്പോള്‍ ഷാനവാസിക്കയും അനുമോളും ഇടക്ക് എന്തോ പറയുന്നുണ്ടായിരുന്നു. താന്‍ കാരണമല്ലേ ഒരു പെണ്‍കൊച്ച് പുറത്തു പോയത് എന്ന രീതിയില്‍ അനുമോളും സംസാരിച്ചു’.
പുറത്തിറങ്ങിയ ശേഷവും അപ്പാനി ശരത്തിന്റെ ഭാര്യ തന്നെ വിളിച്ചിരുന്നു.ഞാന്‍ 24 മണിക്കൂറും ലൈവ് കാണുന്നയാളാണ്. എനിക്കൊരു മോശവും അതില്‍ തോന്നിയിട്ടില്ല, എന്റെ ഭര്‍ത്താവിനെ എനിക്കറിയാം എന്നാണ് രേഷ്മ ചേച്ചി പറഞ്ഞത്”.
