അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാള സിനിമയിലെ ശ്രദ്ധേയനായ യുവ നടന്മാരില്‍ ഒരാളാണ് ഷെയ്ന്‍ നിഗം. നടന്റെ കരിയറില്‍ ശ്രദ്ധ നേടിയ സിനിമകളിലൊന്നാണ് 2022 ല്‍ പുറത്തിറങ്ങിയ ഭൂതകാലം ആയിരുന്നു. രാഹുല്‍ സദാശിവന്‍ സംവിധാനം ചെയ്ത ചിത്രത്തില്‍, രേവതിയാണ് ഷെയിനിനൊപ്പം പ്രധാന വേഷം ചെയ്തത്. ഇപ്പോഴിതാ സിനിമയെക്കുറിച്ച് സംസാരിക്കുകയാണ് ഷെയ്ന്‍ നിഗം. ഇന്ത്യന്‍ എക്‌സ്പ്രസ്സ് കേരളയ്ക്ക് നല്‍കിയ അഭിമുഖത്തിലായിരുന്നു നടന്‍ മനസ്തുറന്നത്.
നടന്റെ വാക്കുകള്‍…….
‘കൊറോണ സമയത്ത് എല്ലാവരും പടം ചെയ്യുന്നു, ഇനി ഇങ്ങനെ ഇരുന്നാല്‍ ശരിയാവില്ല ഒരു പടം ചെയ്‌തേ പറ്റൂ എന്ന് ഉണ്ടായിരുന്നു. ഉമ്മച്ചിയുടെ ഫോണില്‍ രാഹുല്‍ സദാശിവന്‍ ഒരു മെസ്സേജ് അയച്ചിരുന്നു. അതില്‍ ഒരു വിഷ്വല്‍ കണ്ടു. നോര്‍മല്‍ ഗോസ്റ്റ് അല്ല, ഒരു എനര്‍ജി പോകുന്നതാണ്. അത് കണ്ടാല്‍ പേടിയാകും. ഇത് കണ്ടാപ്പോള്‍ എന്താണ് എന്ന് അറിയാന്‍ വേണ്ടി കഥ കേട്ടു. കഥ കേട്ടപ്പോള്‍ ഇത് നിര്‍മിക്കാന്‍ ഒരു പ്രൊഡക്ഷന്‍ വേണം. അപ്പോള്‍ അന്‍വര്‍ റഷീദിനെ വിളിച്ച് ഈ കഥ ഒന്ന് കേട്ട് നോക്കാന്‍ പറഞ്ഞു. കേള്‍ക്കാന്‍ മാത്രമേ പറഞ്ഞിരുന്നുള്ളൂ പറ്റുന്ന വേറെ ആരേലും ഉണ്ടെങ്കില്‍ കണക്ട് ചെയ്യാന്‍ ചോദിച്ചിട്ടാണ് പോകുന്നത്. കഥ കേട്ടപ്പോള്‍ അദ്ദേഹം ഇത് ചെയ്യാം എന്ന് പറഞ്ഞു.
കൃത്യമായി ഓരോ ഷോട്ടും വരച്ചിട്ടാണ് രാഹുല്‍ ഏട്ടന്‍ വരുന്നത്. ഇതിന് മുന്നേ ഞാന്‍ ഇതുപോലെ വര്‍ക്ക് ചെയ്തിട്ടില്ല. എനിക്ക് ഇത് പുതിയ പരിപാടി ആയിരുന്നു. വിദേശത്ത് ഒരു ഫിലിം സ്‌കൂളില്‍ പഠിച്ചത് കൊണ്ട് അത്തരത്തില്‍ ഒരു മേക്കിങ് ആയിരുന്നു. രേവതി മാഡത്തിന്റെ സീനിനില്‍ എനിക്ക് വെറുതെ നിന്ന് കൊടുത്താല്‍ മതി ആയിരുന്നു. ഗംഭീര അനുഭവം ആയിരുന്നു ആ സിനിമ.
ഭൂതകാലം പോലെ ഒരു സിനിമ ഇനി ചെയ്യാന്‍ കഴിയില്ല. കാരണം വളരെ ഇന്ററസ്റ്റ് ആണ് പ്രോസസ്. കുറേ നമ്മള്‍ ആ കഥാപാത്രത്തിലേക്ക് ഇറങ്ങി ചെല്ലണം. ആ കഥാപാത്രം ചെയ്തതിന് ശേഷം എന്തോ ഒരു ബുദ്ധിമുട്ട് നമ്മള്‍ അനുഭവിക്കും. ആ സിനിമ ചെയ്തത് കൊണ്ടുള്ള ഉപകാരം രാത്രി പുറത്തിറങ്ങാനുള്ള ഭയം പോയി എന്നതാണ്’.
