അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അര്‍ജുന്‍ അശോകനെ നായകനാക്കി അഖില്‍ അനില്‍കുമാറിന്റെ സംവിധാനം ചെയ്ത ചിത്രമാണ് തലവര. ഷെബിന്‍ ബക്കറും മഹേഷ് നാരായണനും ചേര്‍ന്നാണ് ചിത്രം നിര്‍മിച്ചിരിക്കുന്നത്. സിനിമയ്ക്ക് മികച്ച പ്രതികരണങ്ങളാണ് ലഭിക്കുന്നത്. ഇപ്പോഴിതാ ചിത്രം തിയേറ്ററില്‍ തന്നെ കാണണമെന്ന അഭ്യര്‍ത്ഥനയുമായി എത്തിയിരിക്കുകയാണ് നിര്‍മാതാവ് മഹേഷ് നാരായണന്‍. തന്റെ സോഷ്യല്‍ മീഡിയ പോസ്റ്റിലൂടെയായിരുന്നു മഹേഷ് നാരായണന്റെ പ്രതികരണം.
മഹേഷ് നാരായണന്റെ വാക്കുകള്‍……
‘പലപ്പോഴും ഇത്തരം സിനിമകള്‍ ടിവിയിലോ സ്ട്രീമിങ് വഴിയോ കാണാമെന്ന് നിങ്ങള്‍ വിചാരിക്കുമെന്ന് എനിക്കറിയാം. എന്നാല്‍ ഞങ്ങളെപ്പോലുള്ള സൃഷ്ടാക്കള്‍ക്ക് തിയേറ്ററുകളിലെ നിങ്ങളുടെ സാന്നിധ്യമാണ് സ്‌നേഹത്തിന്റെയും പിന്തുണയുടെയും ഏറ്റവും യഥാര്‍ത്ഥ രൂപം. ആ സ്‌നേഹം തന്നെയാണ് തിയേറ്ററുകള്‍ക്കപ്പുറം, സ്ട്രീമിങ്ങിലേക്കും ടെലിവിഷനിലേക്കും സിനിമയ്ക്ക് ജീവന്‍ നല്‍കുന്നത്. അപ്പോള്‍ ഇന്ന്, ഞാന്‍ വിനീതമായ നിങ്ങളോട് അപേക്ഷിക്കുന്നു- നിങ്ങളുടെ തൊട്ടടുത്തുള്ള തിയേറ്ററുകളില്‍ പോയി തലവര കണ്ട് നിങ്ങളുടെ സ്‌നേഹം അറിയിക്കൂ. ഈ സിനിമ ഹൃദയത്തെ സ്പര്‍ശിക്കുമെന്നും നിങ്ങളെ നിരാശപ്പെടുത്തില്ലെന്നും ഞാന്‍ ഉറപ്പ് നല്‍കുന്നു’.
View this post on Instagram
അശോകന്‍, ഷൈജു ശ്രീധര്‍, അശ്വത് ലാല്‍, പ്രശാന്ത് മുരളി, അഭിറാം രാധാകൃഷ്ണന്‍, ദേവദര്‍ശിനി, അമിത് മോഹന്‍ രാജേശ്വരി, സാം മോഹന്‍, മനോജ് മോസസ്, സോഹന്‍ സീനുലാല്‍, മുഹമ്മദ് റാഫി, വിഷ്ണു രെഘു, ശരത് സഭ, ഷെബിന്‍ ബെന്‍സണ്‍, ആതിര മറിയം, വിഷ്ണുദാസ്, ഹരീഷ് കുമാര്‍, സുമ തുടങ്ങി നിരവധി താരങ്ങളാണ് ചിത്രത്തില്‍ ഒരുമിച്ചിരിക്കുന്നത്.
അഖില്‍ അനില്‍കുമാറും അപ്പു അസ്ലമും ചേര്‍ന്നാണ് തിരക്കഥ. കോ പ്രൊഡ്യൂസര്‍: റുവായിസ് ഷെബിന്‍, ഛായാഗ്രഹണം: അനിരുദ്ധ് അനീഷ്, സംഗീതം: ഇലക്ട്രോണിക് കിളി, എഡിറ്റര്‍: രാഹുല്‍ രാധാകൃഷ്ണന്‍, മേക്കപ്പ്: രഞ്ജിത്ത് അമ്പാടി, കലാസംവിധാനം: മിഥുന്‍ ചാലിശ്ശേരി, കോസ്റ്റ്യും: അക്ഷയ പ്രസന്നന്‍, പ്രൊഡക്ഷന്‍ കണ്‍ട്രോളര്‍: അലക്‌സ് ഇ കുര്യന്‍, ചീഫ് അസോസിയേറ്റ് ഡയറക്ടര്‍: റാം പാര്‍ത്ഥന്‍, സൗണ്ട് ഡിസൈന്‍: ചാള്‍സ്, സൗണ്ട് മിക്‌സ്: വിഷ്ണു സുജാതന്‍, ഗാനരചന: മുത്തു, ടിറ്റോ പി തങ്കച്ചന്‍, ഡിഐ: ലിജു പ്രഭാകര്‍, വിഎഫ്എക്‌സ്: പിക്‌റ്റോറിയല്‍ എഫ്.എക്‌സ്, സ്റ്റണ്ട്: മാഫിയ ശശി, മഹേഷ് മാത്യു, ഫിനാന്‍സ് കണ്‍ട്രോളര്‍: ഉദയന്‍ കപ്രശ്ശേരി, സ്റ്റില്‍സ്: അജി മസ്‌കറ്റ്, ഡിസൈന്‍സ്: യെല്ലോടൂത്ത്‌സ്, പിആര്‍ഒ: ആതിര ദില്‍ജിത്ത്.
