അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബിഗ് ബോസിലൂടെ പ്രേക്ഷകര്‍ക്ക് സുപരിചിതയായ താരമാണ് ദിയ സന. ഇപ്പോഴിതാ ആക്റ്റിവിസ്റ്റും മോഡലുമായ ദിയ തന്റെ വ്യക്തിജീവിതത്തെക്കുറിച്ചു തുറന്ന പറയുന്ന അഭിമുഖം ശ്രദ്ധിക്കപ്പെടുകയാണ്. സ്വന്തം കുടുംബത്തില്‍ നിന്നും നേരിടേണ്ടി വന്ന ദുരനുഭവങ്ങളെക്കുറിച്ചാണ് അഭിമുഖത്തില്‍ ദിയ സംസാരിക്കുന്നത്.
ദിയയുടെ വാക്കുകള്‍…..
”ഞാനൊക്കെ കുടുംബത്തില്‍ നിന്നും പുറത്താക്കപ്പെട്ടിട്ട് 14 വര്‍ഷത്തോളമായി. കൊഞ്ചിച്ച്, ലാളിച്ച്, ഭയങ്കര സ്‌നേഹമൊക്കെ ലഭിച്ച് വളര്‍ന്ന കുട്ടിയാണ് ഞാന്‍. എന്നിട്ടും എനിക്ക് എന്റെ വീടിനുള്ളില്‍ നിന്ന് ബാപ്പയ്ക്ക് സമമായ ഒരാളില്‍ നിന്ന് അബ്യൂസ് നേരിട്ടിരുന്നു. ഉമ്മായുടെ കുടുംബക്കാരാണ്. വീട്ടുകാരോട് പറഞ്ഞപ്പോഴും മക്കളേ, അങ്ങനെ പറയരുത് തോന്നലായിരിക്കും എന്നായിരുന്നു പ്രതികരണം. അവര്‍ക്കും മക്കളുണ്ട്. ഇതൊക്കെ എന്നെ ബാധിച്ചു. പ്രത്യേകിച്ചും അവരുടെ വീട്ടില്‍ നിന്നുള്ള ഇടപെടല്‍. എന്റെ വിവാഹം കഴിഞ്ഞ് മകന്‍ ആയതിനു ശേഷം വളരെ കുറച്ചേ ഞാന്‍ എന്റെ വീട്ടില്‍ നിന്നിട്ടുള്ളൂ. സാമൂഹ്യപ്രവര്‍ത്തനവുമായി ബന്ധപ്പെട്ട് വീട് വീട്ടിറങ്ങുമ്പോള്‍ എന്നെ മോശപ്പെട്ടവളായി ചിത്രീകരിച്ചുകൊണ്ട് എന്റെ ഉമ്മാടെ രണ്ട് അനിയത്തിമാരും അനിയന്മാരും എന്നോട് സഹകരിക്കാതെയായി.
സ്വന്തം അനിയത്തിയുടെ കല്യാണം പോലും തന്നെ വിളിക്കാന്‍ ബന്ധുക്കളില്‍ ചിലര്‍ സമ്മതിച്ചില്ല. എന്റെ മൂത്ത മാമ പറഞ്ഞത്രേ കുടുംബക്കാര്‍ ഈ കല്യാണത്തിന് സഹകരിക്കണമെങ്കില്‍ ഞാന്‍ കല്യാണത്തില്‍ ഉണ്ടാകാന്‍ പാടില്ല എന്ന്. ഞാന്‍ ആരെയോ കൊന്ന പോലെയോ എന്തോ മഹാ അപരാധം ചെയ്തതു പോലെയോ ആണ് ഉമ്മായുടെ വീട്ടുകാരുടെ പെരുമാറ്റം. ഉമ്മായ്ക്ക് അഭിപ്രായം പറയുന്നതിനൊക്കെ ഒരു പരിധിയുണ്ട്”.
