അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇന്ത്യയ്ക്ക് 50 ശതമാനം തീരുവ ഏർപ്പെടുത്തിയതിന് പിന്നാലെ അമേരിക്കൻ പ്രസിഡന്റ് ഡൊണാൾഡ് ട്രംപും ഉദ്യോഗസ്ഥരും നടത്തിയ വിവാദ പരാമർശങ്ങൾക്കെതിരെ ശശി തൂരർ എംപി. തീരുവ ഏർപ്പെടുത്തിയതും ട്രംപിന്റേയും ഉദ്യോഗസ്ഥരുടേയും അവഹേളനവും മറക്കാനും ക്ഷമിക്കാനു കഴിയില്ലെന്ന് തരൂർ പറഞ്ഞു. ഇന്ത്യയുടെ പെരുമാറ്റം പക്വതയും നീതിയും കൊണ്ട് അടയാളപ്പെടുത്തിയതാണെന്നും ശശി തരൂർ വ്യക്തമാക്കി.
ഇന്ത്യ ക്ഷമാപണം നടത്തുമെന്നും റഷ്യയുമായുള്ള വ്യാപാര ബന്ധത്തിൽ രണ്ട് മാസത്തിനുള്ളിൽ ഒരു കരാറിൽ ഏർപ്പെടുമെന്നും അവകാശപ്പെട്ട യുഎസ് വാണിജ്യ സെക്രട്ടറി ഹോവാർഡ് ലുട്നിക്കിനോട് കൂടിയായിരുന്നു ശശി തരൂരിന്റെ വിമർശനം. ഇരുരാജ്യത്തേയും സർക്കാരുകളും നയതന്ത്രജ്ഞരും അടിയന്തിരമായി ചെയ്യേണ്ട ചില അറ്റകുറ്റപ്പണികൾ ഉണ്ട്. ട്രംപിന് തീർച്ചയായും ക്ഷിപ്രകോപമുണ്ട്. 50 ശതമാനം താരിഫുകൾ ഇതിനകം തന്നെ പ്രത്യാഘാതങ്ങൾ ഉണ്ടാക്കിയെന്നും തരൂർ പറഞ്ഞു.
’50 ശതമാനം താരിഫുകളോ പ്രസിഡന്റിൽ നിന്നും അദ്ദേഹത്തിന്റെ ജീവനക്കാരിൽ നിന്നും ഉണ്ടായ അപമാനങ്ങളോ നമുക്ക് പൂർണ്ണമായും മറക്കാൻ കഴിയുമെന്ന് ഞാൻ കരുതുന്നില്ല. അദ്ദേഹം പറയുന്നത് നമ്മുടെ രാജ്യത്ത് ചില വേദനകളും അപമാനങ്ങളും ഉണ്ടാക്കിയിട്ടുണ്ട്. 50 ശതമാനം താരിഫുകൾ യഥാർത്ഥത്തിൽ ഇതിനകം തന്നെ പ്രത്യാഘാതങ്ങൾ ഉണ്ടാക്കിയിട്ടുണ്ട്’ ശശി തരൂർ പറഞ്ഞു.
