അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പഠനവൈകല്യം എന്നത് വായന, എഴുത്ത്, അല്ലെങ്കില് ഗണിതം പോലുള്ള അടിസ്ഥാന കഴിവുകള് പഠിക്കാനുള്ള കഴിവിനെ തടസ്സപ്പെടുത്തുന്ന ഒരു ന്യൂറോ ഡെവലപ്മെന്റല് അവസ്ഥയാണ്. ഈ വെല്ലുവിളികള് ഒരാളുടെ ബുദ്ധിയുടെ പ്രതിഫലനമല്ല, മറിച്ച് തലച്ചോറ് വിവരങ്ങള് വ്യത്യസ്തമായി കൈകാര്യം ചെയ്യുന്നതിന്റെ സൂചനയാണ്. ശരിയായ ഇടപെടലില്ലാതെ, പഠനവൈകല്യമുള്ള കുട്ടികള്ക്ക് പലപ്പോഴും പഠനകാര്യങ്ങളില് ബുദ്ധിമുട്ടുകളും ആത്മവിശ്വാസമില്ലായ്മയും അതുപോലെ ഉത്കണ്ഠ, വിഷാദം തുടങ്ങിയ മാനസികാരോഗ്യ പ്രശ്നങ്ങളും ഉണ്ടാകാന് സാധ്യതയുണ്ട്. നേരത്തെ തിരിച്ചറിഞ്ഞാല് കുട്ടികളുടെ ജീവിതത്തെ തന്നെ വലിയ രീതിയില് സ്വാധീനിക്കാന് കഴിയുകയും ചെയ്യും.
പഠന വൈകല്യങ്ങള് നേരത്തേ തിരിച്ചറിയുന്നതില് അധ്യാപകരുടെ പങ്ക് ചെറുതല്ല. കാരണം ഒരു വിദ്യാര്ത്ഥിയുടെ ക്ലാസ്സിലെ പെരുമാറ്റവും പഠിക്കുന്നതിലെ രീതികളും, മാറ്റങ്ങളും ക്ലാസ് റൂമില് നിരീക്ഷിക്കാന് അധ്യാപകര്ക്കാകും. സാധാരണ പഠിക്കുമ്പോള് ഉണ്ടാകുന്ന ബുദ്ധിമുട്ടുകള്ക്ക് അപ്പുറമുള്ള സ്ഥിരമായ ബുദ്ധിമുട്ടുകള് കണ്ടെത്താന് അവര്ക്ക് സാധിക്കും. ഈ പ്രശ്നങ്ങള് ഒരു അധ്യാപകന് തിരിച്ചറിയുമ്പോള്, അവര്ക്ക് രക്ഷിതാക്കളുമായും സ്കൂളിലെ മറ്റ് സഹപ്രവര്ത്തകരുമായും സംസാരിച്ച് കുട്ടികള്ക്ക് ആവശ്യമായ സഹായങ്ങള് കൃത്യമായി നടപ്പിലാക്കാനും കഴിയും.
ശ്രദ്ധിക്കേണ്ട പ്രധാന ലക്ഷണങ്ങള്
1. എഴുതാനുള്ള ബുദ്ധിമുട്ടുകള്
* അക്ഷരങ്ങള് തിരിച്ചെഴുതുന്നത് (ഉദാഹരണത്തിന്, ‘b’-ക്ക് പകരം ‘d’ എന്ന് എഴുതുന്നത്)
* കണ്ണാടിയിലെഴുതുന്നത് പോലെ അക്ഷരങ്ങള് തലതിരിച്ചെഴുതുന്നത് (ഉദാഹരണത്തിന്, ‘saw’ എന്നതിന് പകരം ‘was’ എന്ന് എഴുതുന്നത്)
* ചില അക്ഷരങ്ങള്ക്ക് പകരം മറ്റ് അക്ഷരങ്ങള് ഉപയോഗിക്കുന്നത് (ഉദാഹരണത്തിന്, ‘pat’ എന്നതിന് പകരം ‘pet’ എന്ന് എഴുതുന്നത്)
ഈ പ്രശ്നങ്ങള് 7 വയസ്സില് താഴെയുള്ള കുട്ടികളില് സാധാരണമാണ്, എന്നാല് ഇത് തുടര്ച്ചയായി കണ്ടുവരികയാണെങ്കില് സൈക്കോളജിസ്റ്റിനെയോ, സ്പെഷ്യല് എജ്യുക്കേറ്റേഴ്സിനെയോ അല്ലെങ്കില് ഒക്കുപ്പേഷണല് തെറാപ്പിസ്റ്റുകളെയോ സമീപിക്കേണ്ടതാണ്.
2. പഠനപരമായ ബുദ്ധിമുട്ടുകള്
* വായിക്കാനുള്ള ബുദ്ധിമുട്ട് (വാക്കുകള് മനസ്സിലാക്കാനും ഉച്ചരിക്കാനുമുള്ള പ്രയാസം, വേഗത്തില് വായിക്കാന് കഴിയാതെ വരുന്നത്)
* എഴുതാനുള്ള ബുദ്ധിമുട്ടുകള് (ആശയങ്ങള് ക്രമീകരിച്ചു അക്ഷരങ്ങള് കൂട്ടിച്ചേര്ത്ത് എഴുതാന് കഴിയാതെ വരുന്നത്, ബോര്ഡില് നിന്ന് പകര്ത്തിയെഴുതുമ്പോള് വരികള് വിട്ടുപോവുക)
* വൃത്തിയില്ലാത്ത കൈയക്ഷരം (അക്ഷരങ്ങളുടെ വലിപ്പത്തില് ഉണ്ടാകുന്ന വ്യത്യാസങ്ങള്, അക്ഷരങ്ങള്ക്കും വാക്കുകള്ക്കും ഇടയിലുള്ള അകലം ക്രമം ഇല്ലാതിരിക്കുക)
* കണക്കിലുള്ള ബുദ്ധിമുട്ടുകള് (അക്കങ്ങള് മനസ്സിലാക്കാനും അടിസ്ഥാന ഗണിത ആശയങ്ങള് മനസ്സിലാക്കാനും കഴിയാതെ വരിക)
3. ഓര്മ്മശക്തിയും ശ്രദ്ധയും സംബന്ധിച്ച പ്രശ്നങ്ങള്
* ശ്രദ്ധക്കുറവ്, എളുപ്പത്തില് ശ്രദ്ധ മാറുന്നത്.
* ലളിതമായ, നിര്ദ്ദേശങ്ങള് പോലും മനസ്സിലാക്കാന് ബുദ്ധിമുട്ട്.
* പല ഘട്ടങ്ങളുള്ള നിര്ദ്ദേശങ്ങള് പിന്തുടരാന് പ്രയാസം.
* ചലനങ്ങളില് വേഗതയില്ലായ്മ, പലപ്പോഴും സാധനങ്ങളില് തട്ടി വീഴുന്നത്.
സമഗ്രമായ പഠനാന്തരീക്ഷം ഒരുക്കാം
1. ലളിതമായ ഭാഷ ഉപയോഗിച്ച് വ്യക്തവും നേരിട്ടുള്ളതുമായ ആശയവിനിമയം നടത്തുക.
2. വലിയ ജോലികള് ചെറിയതും എളുപ്പത്തില് ചെയ്യാനാകുന്നതുമായ ഭാഗങ്ങളായി തിരിക്കുക.
3. അധ്യാപകര്ക്ക് ശിരഹൗശെ്ല ലറൗരമശേീി രീതികളെക്കുറിച്ച് പരിശീലനം നല്കുക, ഒപ്പം കാര്യങ്ങള് എളുപ്പത്തില് മനസ്സിലാക്കാന് ദൃശ്യപരമായ സൂചനകള് (ലേബലുകള്, കളര് കോഡിങ്) ഉപയോഗിക്കുക.
4. സ്ഥിരമായ ദിനചര്യകള് ഉണ്ടാക്കുകയും മാറ്റങ്ങള് മുന്കൂട്ടി അറിയിക്കുകയും ചെയ്യുക.
5. പ്രവര്ത്തനങ്ങള് മാറുന്നതിനെക്കുറിച്ച് കുട്ടികള്ക്ക് സൂചന നല്കാന് ടൈമറുകള് ഉപയോഗിക്കുക.
പഠനവൈകല്യങ്ങള് തിരിച്ചറിയാതെ പോകുമ്പോള് കുട്ടികള്ക്ക് നിരാശയും തെറ്റിദ്ധാരണകളും ഉണ്ടാകാന് സാധ്യതയുണ്ട്, ഇത് അവരുടെ വെല്ലുവിളികളെ കൂടുതല് കഠിനമാക്കുന്നു. പഠനവൈകല്യങ്ങള് നേരത്തേ തിരിച്ചറിയുകയും ശരിയായ പിന്തുണ നല്കുകയും ചെയ്യുന്നതിലൂടെ നമുക്ക് കുട്ടികളെ മികച്ച രീതിയില് വളരാന് സഹായിക്കാനും ഓരോ കുട്ടിക്കും അവരവരുടെ രീതിയില് വിജയിക്കാനുള്ള അവസരം ഉറപ്പാക്കാനും കഴിയും.
