അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മോഹന്‍ലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന ചിത്രമാണ് റാം. രണ്ട് ഭാഗങ്ങളിലായി ഒരു ബിഗ് ബജറ്റ് ആക്ഷന്‍ ചിത്രമായി ഒരുങ്ങുന്ന സിനിമയുടെ ചിത്രീകരണം ഇനിയും പൂര്‍ത്തിയായിട്ടില്ല. ഇപ്പോഴിതാ സിനിമയെക്കുറിച്ച് മനസുതുറക്കുകയാണ് സംവിധായകന്‍ ജീത്തു ജോസഫ്. ഗലാട്ട പ്ലസ്സിന് നല്‍കിയ അഭിമുഖത്തിലാണ് ജീത്തു ജോസഫിന്റെ പ്രതികരണം.
ജീത്തുവിന്റെ വാക്കുകള്‍……….
‘റാം 80 ശതമാനത്തോളം ഷൂട്ടിംഗ് പൂര്‍ത്തിയായി. ആദ്യ ഭാഗത്തിന്റെ ഷൂട്ടിംഗ് ഇനി 15 – 16 ദിവസം കൂടി കഴിഞ്ഞാല്‍ മുഴുവനായും പൂര്‍ത്തിയാകും. സിനിമയുടെ പ്രധാന ഭാഗങ്ങള്‍ എല്ലാം പൂര്‍ത്തിയായിട്ടുണ്ട്. രണ്ടാം ഭാഗം ഇനിയും ഷൂട്ട് ചെയ്യാനുണ്ട്. യുകെയില്‍ ഷൂട്ട് ചെയ്യുന്ന സമയത്ത് ഞങ്ങളുടെ നടിക്ക് പരിക്ക് പറ്റുകയും മഴ മൂലം ഷൂട്ട് തടസ്സപ്പെടുകയും ചെയ്തിരുന്നു. ഒരു ഫൈറ്റ് ചിത്രീകരണത്തിനിടയിലാണ് ഞങ്ങള്‍ ഷൂട്ടിംഗ് നിര്‍ത്തിവെച്ചത്. അതുകൊണ്ട് ഇനി അതെല്ലാം ഒന്നില്‍ നിന്ന് ആരംഭിക്കണം. ആദ്യ ഭാഗം 15 – 16 ദിവസം കൂടി ഷൂട്ട് കഴിഞ്ഞാല്‍ റിലീസ് ചെയ്യാന്‍ കഴിയാവുന്നതാണ്. പക്ഷെ ചില ഫിനാന്‍ഷ്യല്‍ പ്രശ്‌നങ്ങള്‍ കാരണമാണ് റിലീസ് വൈകുന്നത്. ജേസണ്‍ ബോണ്‍ സിനിമകളുടെ സ്‌റ്റൈലിലുള്ള ആക്ഷന്‍ ചിത്രമാണ് റാം. സിനിമയുടെ ആക്ഷന്‍ കൊറിയോഗ്രാഫേഴ്‌സ് എല്ലാം ഹോളിവുഡില്‍ നിന്നാണ്’,
Jeethu Joseph on the long pending #RAM pic.twitter.com/iSWybNdqcB
— Surya 🦉 (@Surya__kiran___) September 10, 2025
ജീത്തു ജോസഫ് തന്നെ തിരക്കഥയെഴുതുന്ന ചിത്രത്തില്‍ തൃഷ, ഇന്ദ്രജിത് സുകുമാരന്‍, സംയുക്ത, ദുര്‍ഗ കൃഷ്ണ, ചന്തുനാഥ്, അനൂപ് മേനോന്‍ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. സതീഷ് കുറുപ് ഛായാഗ്രഹണം നിര്‍വഹിക്കുന്ന ചിത്രത്തിന്റെ സംഗീതം വിഷ്ണു ശ്യാമാണ്. അഭിഷേക് ഫിലിംസ് പാഷന്‍ സ്റ്റുഡിയോസിന്റെ കീഴില്‍ രമേശ്. പി. പിള്ള, സുധന്‍ സുന്ദരം എന്നിവര്രാണ് ചിത്രം നിര്‍മിക്കുന്നത്.
