അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പൊലീസ് യൂണിഫോമില്‍ നവ്യാ നായരും സൗബിന്‍ ഷാഹിറും അവരുടെ ഇരുവശത്തുമായി സിവില്‍ വേഷത്തില്‍ സണ്ണി വെയ്‌നും ആന്‍ അഗസ്റ്റിനും. താഴെ ഇരുട്ടില്‍ കത്തിജ്വലിച്ചു നില്‍ക്കുന്ന പൊലീസ് ജീപ്പ്. ജീപ്പിന്റെ സൈഡിലായി സിവില്‍ വേഷത്തില്‍ സൗബിനും, നവ്യയും. പാതിരാത്രി എന്ന ചിത്രത്തിന്റെ ഫസ്റ്റ് ലുക്ക് പോസ്റ്ററിലെ ദൃശ്യങ്ങളാണിത്.
പേരു സൂചിപ്പിക്കുന്നതു പോലെ തന്നെ ഒരു പാതിരാത്രിയുടെ ഭീതിയും, ആകാംഷയും ഉദ്വേഗവുമൊക്കെ നല്‍കുന്നു ഈ പോസ്റ്റര്‍’.രത്തീന സംവിധാനം ചെയ്യുന്ന ഈ ചിത്രം ബെന്‍സി പ്രൊഡക്ഷന്‍സിന്റെ ബാനറില്‍ കെ.വി.അബ്ദുള്‍ നാസ്സര്‍ ആഷിയ നാസ്സര്‍ എന്നിവരാണ് നിര്‍മ്മിക്കുന്നത്. ഏറെ ചര്‍ച്ചചെയ്യപ്പെട്ട ,മമ്മൂട്ടി നായകനായി അഭിനയിച്ച പുഴു എന്ന ചിത്രത്തിനു ശേഷം രത്തീന സംവിധാനം ചെയ്യുന്ന ചിത്രമെന്ന രീതിയിലും ഈ ചിത്രം ഏറെ പ്രാധാന്യമര്‍ഹിക്കുന്നു.
സമ്പൂര്‍ണ്ണമായ ഈ പൊലീസ് കഥയില്‍ കോണ്‍സ്റ്റബിള്‍ ഹരീഷ്, പ്രബേഷണറി എസ്.ഐ ജാന്‍സി കുര്യന്‍ എന്നീ കേന്ദ്ര കഥാപാത്രങ്ങളെ അവതരിപ്പിക്കുന്നത് സൗബിന്‍ ഷാഹിറും , നവ്യാനായരുമാണ്. രണ്ടു പൊലീസ് ഉദ്യോഗസ്ഥരുടെ ജീവിതത്തിലൂടെയാണ് ഈ ചിത്രത്തിന്റെ കഥാ പുരോഗതി. ഇവരുടെ ഒരു കേസന്വേഷണത്തിനിടയില്‍ കടന്നു വരുന്ന സംഭവങ്ങളാണ് ഈ ചിത്രത്തിലൂടെ പൂര്‍ണ്ണമായും ത്രില്ലര്‍ മൂഡില്‍ അവതരിപ്പിക്കുന്നത്.
ഇടുക്കി ജില്ലയിലെ ഒരു ഗ്രാമത്തില്‍ ഒറ്റരാത്രിയില്‍ നടക്കുന്ന ഒരു പൊലീസ് ഡ്രാമയാണ് ഈ ചിത്രത്തെ വിശേഷിപ്പിക്കാം ഒരു യഥാര്‍ത്ഥസംഭവത്തെ ആസ്പദമാക്കി, ഷാജി മാറാടാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ഇലവിഴാ പൂഞ്ചിറ എന്ന ചിത്രത്തിനു ശേഷം ഷാജി മാറാട് തിരക്കഥ രചിക്കുന്ന ചിത്രം കൂടിയാണ് പാതിരാത്രി. സണ്ണി വെയ്ന്‍, ആന്‍ അഗസ്റ്റിന്‍ എന്നിവരും മുഖ്യ വേഷങ്ങളിലുണ്ട്. ശബരിഷ് , ഹരിശ്രീ അശോകന്‍, ഇന്ദ്രന്‍സ്, എന്നിവരും പ്രധാന താരങ്ങളാണ്.
സംഗീതം – ജേയ്ക്ക്ബിജോയ്‌സ്.ഛായാഗ്രഹണം ഷഹ്നാദ് ജലാല്‍.എഡിറ്റിംഗ് – ശ്രീജിത്ത് സാരംഗ്.കലാസംവിധാനം – ദിലീപ് നാഥ്.ചമയം – ഷാജി പുല്‍പ്പള്ളി. കോസ്റ്റ്യും – ഡിസൈന്‍ -ധന്യാ ബാലകൃഷ്ണന്‍.സംഘട്ടനം പി.സി. സ്റ്റണ്ട്‌സ്. ചീഫ് അസ്സോസ്സിയേറ്റ് ഡയറക്ടര്‍ – അജിത് വേലായുധന്‍.അസ്സോസ്സിയേറ്റ് ഡയറക്ടര്‍ – സിബിന്‍ രാജ് പരസ്യകല – യെല്ലോ ടൂത്ത് പ്രോജക്റ്റ് ഹെഡ് -റിനി അനില്‍കുമാര്‍.പ്രൊഡക്ഷന്‍ മാനേജര്‍ – ജോബി ജോണ്‍ പ്രൊഡക്ഷന്‍ എക്‌സിക്കുട്ടീവ് – രാജേഷ് സുന്ദരം പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍.
കുമളി, അണക്കര, കൊച്ചി എന്നിവിടങ്ങളിലായി ചിത്രീകരണം പൂര്‍ത്തിയായ ഈ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്നു. ഡ്രീം ബിഗ് ഫിലിംസ് ഈ ചിത്രം പ്രദര്‍ശനത്തിനെത്തിക്കുന്നു.
