അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.യുഎഇയുടെ സുസ്ഥിരതാ ലക്ഷ്യങ്ങളെ പിന്തുണച്ച് സൗരോർജ പദ്ധതി നടപ്പാക്കാൻ ഒരുങ്ങി ലുലു ഗ്രൂപ്പ്. ദുബായിലെ അൽ വർഖ, ദുബായ് ഇൻവെസ്റ്റ്‌മെന്റ് പാർക്ക്, റാഷിദിയ ലുലു ഹൈപ്പർമാർക്കറ്റുകൾ, ലുലു സെൻട്രൽ ലോജിസ്റ്റിക്സ് സെന്റർ, ദുബായ് റീജനൽ ഓഫിസ് എന്നിവിടങ്ങളിലാണ് ഈ പുതിയ സംവിധാനം ഏർപ്പെടുത്തിയിരിക്കുന്നത്. പോസിറ്റീവ് സീറോ ഗ്രൂപ്പുമായി സഹകരിച്ചാണ് ഈ പദ്ധതി ലുലു നടപ്പാക്കുന്നത്.
കൂടുതൽ ഊർജ സംരക്ഷണം ലക്ഷ്യമിട്ട് യുഎഇയുടെ ‘നെറ്റ് സീറോ 2050’ ലക്ഷ്യങ്ങൾക്ക് പിന്തുണ നൽകുന്നതിന്റെ ഭാഗമാണ് ഈ പദ്ധതിയെന്ന് ലുലു ഗ്രൂപ്പ് ഗ്ലോബൽ ഓപറേഷൻസ് ഡയറക്ടർ എം.എ.സലിം പറഞ്ഞു. ഈ പദ്ധതിയിലൂടെ കാർബൺ ബഹിർഗമനം വലിയ തോതിൽ കുറയ്ക്കുന്നതിന് ലുലുവുമായി സഹകരിക്കാൻ കഴിഞ്ഞതിൽ അഭിമാനമുണ്ടെന്ന് അധികൃതർ പറഞ്ഞു.
STORY HIGHLIGHT: Lulu group launched solar projects
