അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പ്രേഷകരുടെ ഇഷ്ട സംവിധായകനാണ് ജീത്തു ജോസഫ്. ദൃശ്യമെന്ന ചിത്രം മാത്രം മതി അദ്ദേഹത്തെ അടയാളപ്പെടുത്താൻ. ഇപ്പോഴിതാ അദ്ദേഹം മമ്മൂക്കയുമായി പുതിയ സിനിമ കമ്മിറ്റ് ചെയ്തുവെന്ന വാർത്തയാണ് പുറത്ത് വരുന്നത്. എന്നാൽ അങ്ങനെയൊരു സംഭവം താൻ അറിഞ്ഞിട്ടില്ലെന്നും ഇതുവരെ ഒരു ഡിസ്കഷനും അത് സംബന്ധിച്ച് നടന്നിട്ടില്ലെന്നാണ് അദ്ദേഹം പറയുന്നത്. പുതിയ ചിത്രത്തിന്റെ പ്രസ്സ് മീറ്റിനിടെയാണ് ഇക്കാര്യം വെളിപ്പെടുത്തിയത്.
ജീത്തു ജോസഫ് പറയുന്നു:
ഞാൻ അങ്ങനൊരു സംഭവം അറിഞ്ഞിട്ടില്ല, ഒരു ഡിസ്കഷനും ഉണ്ടായിട്ടില്ല. ഒരു ഓൺലൈൻ മാധ്യമത്തിൽ വന്ന വാർത്തയാണിത്, അതുപോലെ ദൃശ്യം മൂന്നാം ഭാഗം ഞാൻ എഴുതുന്നതിന് മുൻപ് എന്നെ ബോളിവുഡിൽ നിന്ന് അവർ ബന്ധപ്പെട്ടു.
അങ്ങനെയിരിക്കെയാണ് എനിക്ക് ഒരു ഐഡിയ കിട്ടിയത് അവരോട് പറഞ്ഞപ്പോൾ ഒന്നിച്ച് റിലീസ് ചെയ്യാമോ എന്നൊരു ആവശ്യമാണ് അവർ പങ്കുവെച്ചത്. ഇപ്പോൾ ഒരു മലയാള സിനിമ ഇറങ്ങിയാൽ പാൻ ഇന്ത്യൻ സ്വീകാര്യതയുണ്ട്.
ഈ ഡിസ്കഷൻ ഇപ്പോഴും നടക്കുന്നുണ്ട്, ഞാൻ സ്ക്രിപ്റ്റ് മുഴുവൻ എഴുതിയെങ്കിലും അവർക്ക് അവിടെ കൾച്ചറൽ മാറ്റങ്ങൾ ഉണ്ടാകും. അവർ അതിന്റെ പണിപ്പുരയിലാണ്, ദൃശ്യ 3യുടെ കാര്യത്തിൽ ഇതാണ് നിജസ്ഥിതി.
content highlight: Jeethu Joseph
