‘എന്റെ പ്രിയസുഹൃത്ത് ലാലേട്ടന്……: തലമുറകള്‍ക്ക് പ്രചോദനം നല്‍കുന്ന യഥാര്‍ത്ഥ കലാകാരന്‍’; മോഹന്‍ലാലിനെ അഭിനന്ദിച്ച് കമല്‍ഹാസന്‍

മോഹന്‍ലാല്‍ ദാദാ സാഹേബ് പുരസ്‌കാരം ഏറ്റുവാങ്ങിയതിന് പിന്നാലെ മോഹന്‍ലാലിനെ പ്രശംസിച്ച് നടന്‍ കമല്‍ ഹാസന്‍. തലമുറകളെ പ്രചോദിപ്പിച്ച കലാകാരന്‍ ആണ് മോഹന്‍ലാല്‍ എന്നും തികച്ചും അര്‍ഹമായ അംഗീകാരം ആണ് ഇതെന്നും കമല്‍ ഹാസന്‍ സോഷ്യല്‍ മീഡിയയില്‍ കുറിച്ചു.

കമല്‍ ഹാസന്റെ വാക്കുകള്‍……….

‘എന്റെ പ്രിയസുഹൃത്ത് ലാലേട്ടന് ദാദാസാഹേബ് ഫാല്‍ക്കെ അവാര്‍ഡ് നല്‍കി ആദരിച്ചത് കാണുമ്പോള്‍ സന്തോഷം തോന്നുന്നു. ദശലക്ഷക്കണക്കിന് ആളുകളുടെ ഹൃദയത്തില്‍ സ്പര്‍ശിക്കുകയും തലമുറകള്‍ക്ക് പ്രചോദനം നല്‍കുകയും ചെയ്യുന്ന ഒരു യഥാര്‍ത്ഥ കലാകാരന്‍. തികച്ചും അര്‍ഹമായ അംഗീകാരം’.

Delighted to see my dear friend Lalettan @Mohanlal honoured with the Dadasaheb Phalke Award. A true artist whose craft has touched millions and will continue to inspire generations. A richly deserved recognition. pic.twitter.com/qi6wR713EF

— Kamal Haasan (@ikamalhaasan) September 24, 2025

അതെസമയം ഇത്തരമൊരു നിമിഷത്തെ കുറിച്ച് ഒരിക്കലും സ്വപ്നം കണ്ടിരുന്നില്ലെന്നും അഭിമാനകരമായ നിമിഷത്തിലാണ് നില്‍ക്കുന്നതെന്നും പുരസ്‌കാരം ഏറ്റുവാങ്ങിയതിന് ശേഷം മോഹന്‍ലാല്‍ പറഞ്ഞു.

ആദ്യമായാണ് ഒരു മലയാള നടന് ഫാല്‍ക്കെ പുരസ്‌കാരം ലഭിക്കുന്നത്.
സെപ്റ്റംബര്‍ 20ന് ആയിരുന്നു മോഹന്‍ലാലിന് ദാദാസാഹേബ് ഫാല്‍ക്കെ പുരസ്‌കാരം സമ്മാനിക്കുന്നുവെന്ന് ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിംഗ് മന്ത്രാലയം അറിയിച്ചത്. തലമുറകളെ പ്രചോദിപ്പിക്കുന്ന സിനിമാ  യാത്രയാണ് മോഹന്‍ലാലിന്റേതെന്നായിരുന്നു ഇവര്‍ വിശേഷിപ്പിച്ചതും.