‘ദാദാസാഹേബ് ഫാല്‍ക്കെയുടെ ബയോപിക്കില്‍ അഭിനയിക്കാന്‍ ഉചിതം മോഹന്‍ലാല്‍ അല്ലേ’?; രാം ഗോപാല്‍ വര്‍മ

ഇന്ത്യന്‍ ചലച്ചിത്ര മേഖലയിലെ പരമോന്നത പുരസ്‌കാരമായ ദാദാസാഹേബ് ഫാല്‍ക്കെ പുരസ്‌കാരം മോഹന്‍ലാലിന് ലഭിച്ചതിന് പിന്നാലെ പ്രതികരിച്ച് സംവിധായകന്‍ രാം ഗോപാല്‍ വര്‍മ. സോഷ്യല്‍ മീഡിയ പോസ്റ്റിലൂടെയായിരുന്നു സംവിധായകന്റെ പ്രതികരണം.

പ്രതികരണം ഇങ്ങനെ……

‘ദാദാസാഹേബ് ഫാല്‍ക്കെയുടെ ബയോപിക്കില്‍ അദ്ദേഹമായി അഭിനയിക്കാന്‍ ഉചിത്രം മോഹന്‍ലാല്‍ ആയിരിക്കില്ലേ’ എന്നാണ് രാം ഗോപാല്‍ വര്‍മ ചോദിക്കുന്നത്.

ഈ ട്വീറ്റ് മോഹന്‍ലാല്‍ ഫാന്‍സ് ആഘോഷമാക്കുന്നുണ്ട്. ഇതിനും മുകളിലൊരു കമന്റോ അഭിനന്ദനമോ നേരാന്‍ ഇല്ലെന്നാണ് പലരുടെയും പ്രതികരണം. രാം ഗോപാല്‍ വര്‍മ മോഹന്‍ലാലിന്റെ ഇത്രയും വലിയ ഫാന്‍ ആണെന്ന് അറിഞ്ഞില്ലല്ലോ എന്നാണ് ചിലരുടെ കമന്റ്.

Now that @Mohanlal has been conferred the #DadasahebPhalkeAward , isn’t it apt that @Mohanlal should play #DadasahebPhalke in his biopic

— Ram Gopal Varma (@RGVzoomin) September 24, 2025

നേരത്തെ, ദാദാ സാഹേബ് ഫാല്‍ക്കെ പുരസ്‌കാരം പ്രഖ്യാപിച്ച ശേഷം മോഹന്‍ലാല്‍ വിളിച്ചു ചേര്‍ത്ത വാര്‍ത്ത സമ്മേളനത്തില്‍ രാം ഗോപാല്‍ വര്‍മയുടെ പ്രശംസയോട് അദ്ദേഹം പ്രതികരിച്ചിരുന്നു.

ഇന്ത്യന്‍ ചലച്ചിത്ര മേഖലയുടെ പിതാവ് എന്നറിയപ്പെടുന്ന ദാദാ സാഹേബ് ഫാല്‍ക്കെയുടെ സ്മരണാര്‍ത്ഥം 1969 മുതല്‍ കേന്ദ്രസര്‍ക്കാര്‍ നല്‍കുന്ന ഏറ്റവും വലിയ ചലച്ചിത്ര പുരസ്‌കാരമാണ് ദാദാ സാഹേബ് ഫാല്‍ക്കെ പുരസ്‌കാരം.